यही फागुन २१ गते हुने प्रतिनिधि सभा निर्वाचनलाई लक्षित गरि उज्यालो नेपाल पार्टी रुकुम पश्चिमले मुसिकोट नगरपालिका १ खलंगामा पत्रकार सम्मेलन गरि प्रत्यक्ष तर्फका उम्मेदवार नरेन्द्र केसीले निर्वाचन प्रतिबद्धता पत्र सार्वजनिक गरेका छन ।
भ्रष्टाचारमा शुन्य सहनशीलता लागू गरिने साथै हरेक बजेटको पैसा पारदर्शी बनाउन जनताले मोबाइल बाटै योजनाको प्रगति हेर्न सक्ने डिजिटल प्रणालीको विकास गरिने कमिसन तन्त्रको अन्त्य गरिने , पारदर्शी लेखापरीक्षण सञ्चालन गरिने ,योग्यता र क्षमताको आधारमा अवसर दिइने चाकरी सोर्सफोर्सको अन्त्य , अधुरा पुर्वाधार तीव्र गतिमा सम्पन्न गरिने अलपत्र उद्योग पुनरुत्थान गर्ने जस्ता कुराहरुलाई प्रतिबद्धता पत्रमा प्राथमिकता दिइएको छ ।
त्यस्तै गाउमै बसेर विश्वसँग जोडिने हाइ स्पिड इन्टरनेट , प्रत्येक वडामा विकास बाह्रै महिना धुलो र हिलो मुक्त सुरक्षीत सडक , रुकुमको पानीले रुकुमकै खल्ती भर्ने व्यवस्था मिलाइने , तथा उर्जा र जलस्रोतको क्षेत्रमा रुकुमेली लगानी , रुकुमेली लाभ नारा सहित सानीभेरी र ठुलीभेरीमा चिलिमे मोडल लागू गरि स्थानीयको सेयर सुनिस्चित गरि पहिलो चरणमा विपन्नलाई दोश्रोमा सबैलाई निशुल्क विद्युत उपलब्ध गराउने पत्रमा समावेश छ ।
दस हजार युवालाई जिल्लामै स्वरोजगार बनाइने उल्लेख गर्दै एकीकृत कृषि र आत्मनिर्भर तर्फ भुमी बैंक मार्फत बाझो जमिन संकलन गरि युवा तथा सहकारीलाई लिजमा उपलब्ध गराइ सिँचाइ क्रान्ति , प्राङ्गारिक हब , फलफूल जोन स्याउ ,सुन्तला किवी ,उन्नत बिउ औजार अनुदान दिइने व्यवस्था मिलाइने जस्ता प्रतिबद्धता पत्रमा समेटिएको छ ।
पर्यटन क्षेत्रलाई अझ सशक्त बनाउन सिस्ने हिमाल देखि स्यार्पु तालसम्म पर्यटकीय पदमार्ग र्याफ्टिङ , होमस्टे , विश्वस्तरीय गन्तव्य बनाइने साथै शिक्षा र स्वास्थ्यमा आमूल परिवर्तन गर्न शिक्षातर्फ प्राविधिक शिक्षालय , स्मार्ट क्लास , डिजिटल लर्निङ , उज्यालो छात्रवृत्ति कोष स्थापना , स्वास्थ्य तर्फ घरदैलो मोबाइल हेल्थ युनिट , निशुल्क बिमा , टेकिमेडिसिन , प्रसुती सुरक्षा जिल्ला अस्पताललाई रेफर सेन्टर बनाइने लगायत १६ बुँदे निर्वाचन प्रतिबद्धता पत्र उज्यालो नेपाल पार्टी रुकुम पश्चिमका उम्मेदवार केसीले सार्वजनिक गरेका हुन ।
