पोखराकै प्रथम छातीरोग विशेषज्ञ डा. सि.पि (चन्द्र प्रसाद ) आचार्य पोखरा विश्वविद्यालय शिक्षण अस्पतालको लागि निर्देशक पदमा नियुक्त भएका छन् ।
पोखरा विश्वविद्यालय शिक्षण अस्पताल निर्देशक छनोट समिति-२०८२ ले गत भदौ १८ गते अस्पतालको निर्देशक पदमा खुला प्रतिस्पर्धाद्वारा पद पुर्ती गर्ने भन्दै दरखास्त आह्वान गरेको थियो । उक्त प्रतिस्पर्धामा भाग लिइ विभिन्न चरणहरुमा सहभागी भएर डा. सि पि आचार्यले परिक्षा दिएका थिए ।
मान्यता प्राप्त विश्वविद्यालय बाट कम्तिमा एम.डी/ एम.एस/एम.डि.एस उपाधी प्राप्त गरेको र सम्बन्धित परिषद्मा दर्ता भएको, नेपाली नागरिक भएको ,पचास वर्ष उमेर ननाघेको जस्ता न्यूनतम योग्यता हुनुपर्ने सर्त दरखास्त आह्वानमा उल्लेख गरिएको थियो ।
आवश्यक सबै चरणहरुमा भाग लिइ खुला प्रतिस्पर्धामा सहभागी भएका आचार्यलाई आज पोखरा विश्वविद्यालय शिक्षण अस्पताल निर्देशक छनोट समितिले निर्देशक पदमा छनोट गरि नियुक्ति पत्र दिएको उज्यालोपाटीसँग आचार्यले बताएका छन ।
