रुकुम पश्चिम बाट एक जना गर्भवती महिलाको हेलिकप्टरमार्फत उद्धार गरिएको छ । जिल्लाको आठबिसकोट नगरपालिका-९ की ३६ वर्षिया मैसरी बटालालाई हेलिकप्टरमार्फत उद्धार गरी सुर्खेत पठाइएको हो । आज बिहान देखि उनी बिरामी परेकी थिइन् । उनलाई अत्याधिक रक्तश्राप भएपछी उपचारका लागि आठबिसकोट नगर अस्पताल ल्याइएको थियो ।
नगर अस्पतालले थप उपचारका लागि उनलाई सुर्खेत स्थित प्रादेशिक अस्पतालमा रिफर गरेको मेडिकल अधिकृत डाक्टर प्रागजिके सुवेदीले जानकारी दिए । डाक्टर सुवेदीका अनुसार गर्भवती बटालाको
पाठेघरमा बस्नुपर्ने बच्चा नलिमा बसेको र उक्त नलि फुटेपछि अत्याधिक रक्तश्राप भएका कारण अवस्था गम्भिर भएको बताए। नली मा बच्चा बसेर नलि फुटेका कारण नगर अस्पतालमा उपचार सम्भव नभएपछी सुर्खेत रेफर गरिएको बताए । डाक्टरका अनुसार उनलाई अप्रेसन गर्नुपर्ने भएकाले रेफर गरिएको हो । 
आठबिसकोट नगर अस्पतालमा पनि उपचार सम्भव नभएपछि उनको उद्धार गरी सुर्खेत लगिएको आठबिसकोटका नगरप्रमुख रवि केसीले जानकारी दिए । चिकित्सकले जाँच गरेपछि पाठेघर बाहिरको गर्भ भएका कारण उनलाई अप्रेशन गर्नुपर्ने भएको प्रमुख केसीले बताए । पालिकाको सिफारिसमा राष्ट्रपति महिला उत्थान कार्यक्रम अन्तर्गत नेपाली सेनाको हेलिकप्टर मार्फत बटालाको उद्धार गरिएको नगरप्रमुख केसीले बताए ।
