नेपाल कम्युनिस्ट पार्टी (माओवादी केन्द्र) निकट सहायक संगठन योङ्ग कम्युनिष्ट लीग नेपाल (YCL) रुकुम पश्चिमको आठबिसकोट नगर समितिले वर्षायाम सँगै बढ्दो प्राकृतिक विपद्को जोखिमलाई ध्यानमा राख्दै “विपद् प्रतिकार्य समिति” गठन गरेको छ।
वाइसिएलका आठबिसकोट अध्यक्ष सुशिल बिकको अध्यक्षता र पार्टीका नगर समिति अध्यक्ष मणिराज बटालाको प्रमुख आतिथ्यतामा सिमबजार स्थित पार्टी कार्यालयमा बसेको वाइसिएल आठबिसकोट नगर समितिको कार्यालय बैठकले विपद्को समयमा उद्दार, राहत तथा पुनर्स्थापना कार्यमा सक्रिय भूमिका खेल्ने उद्देश्यले सो समिति गठन गरेको हो।
समितिका संयोजकमा वाइसिएलका कर्णाली प्रदेश सदस्य तथा आठबिसकोटका इन्चार्ज बिजय विकलाई जिम्मेवारी दिइएको छ । विक सहित अन्य २१ जना सदस्य समितिमा समेटिएका छन्।
विपद्को बेला सरकार मात्रै होइन, सामाजिक संघ–संस्था र युवाहरूको भूमिकासमेत महत्त्वपूर्ण हुने भन्दै, वाइसिएलले विपद् प्रतिकार्य टोलीलाई तत्काल क्रियाशील बनाउने तयारी गरेको जनाएको छ।
माओवादी केन्द्र आठबिसकोटका अध्यक्ष मणिराज बटालाका अनुसार, पालिकाको संरचना, सम्पर्क र संगठनलाई परिचालन गरेर बाढी, पहिरो, डुबानजस्ता विपद्मा मानिसको ज्यान जोगाउन र राहत पुर्याउन वाइसिएलले स्थानीय तहसँग समन्वय गर्दै संकटमा परेका नागरिकलाई उद्धार, औषधोपचार, अस्थायी बसोबास र खाद्यान्न सहयोग उपलब्ध गराउने जानकारी दिए ।
वाइसिएल इन्चार्ज तथा समितिका संयोजक बिजय विकका अनुसार बिपत व्यवस्थापन र प्रतिकार्य समिती गठन गरेर पालिकाभर हुने बिपदका घटना सङ जोडिएर बिपतको समयमा उद्धार, राहत तथा व्यवस्थापन गर्न आज गठित समिती परिचालन गरिने बताए ।
