आठबिसकोट । रुकुम पश्चिमको आठबिसकोट नगरपालिका स्थित- कालिका मावि सुन्दरपानी लाई प्रस्ताव पेश भएका विद्यालय बाट हटाईएको छ । प्रधानाध्यापक नियुक्ती प्रयोजनका लागि विद्यालय व्यवस्थापन समिति द्वारा विद्यालय विकास प्रस्ताव सिफारिस भई आएका विद्यालय को सुचीबाट हटाईएको हो ।
यस अघि कालिका माविले प्रधानाध्यापक नियुक्तिका लागि प्रस्ताव पेश गरिसकेको थियो । तर उक्त प्रस्तावमा किर्ते कागजपत्र पेश गरेको उज्यालोपाटीमा समाचार प्रकाशित पछि सो विद्यालय विकास प्रस्ताव पेश नगर्ने विधालयको सुचिमा परेको छ ।
एक महिना पहिले बिधालयले तत्कालीन प्रधानाध्यापक जय बहादुर बटालालाई प्रधानाध्यापक नियुक्तिका लागि प्रस्ताव पेश गरिएको थियो । बटालाले पुरानै निर्णय लाई मिति सच्याएर विव्यसको बैठक नै नबसी कागजपत्र पेश गरेका थिए। सो प्रस्तावमा किर्ते कागजपत्र पेश भएको प्रमाणित भएपछि जेठ २ गते कालिका माविलाई प्रस्ताव पेश नभएको र प्रधानाध्यापकका लागि नयाँ प्रस्ताव पेश गर्न सुचना सार्वजनिक गरिएको हो । कालिका मावि सङ्गै २२ वटा बिधालयले प्रस्ताव पेश गरेका छैनन्। भने ४३ वटाले पेश गरेको जनाईएको छ ।
