रुकुम पश्चिमको आठबिसकोटमा अत्याधुनिक सुविधा सम्पन्न नयाँ बसपार्क उद्घाटन गरिएको छ । आठबिसकोट-९ स्थित ठाटीखोलामा रहेको बसपार्क नगरप्रमुख रवि केसीले आज उद्घाटन गरेका हुन्।
शनिवार आठबिसकोट नगरपालिकाका प्रमुख रबि केसीले एक कार्यक्रमका बीच बसपार्क औपचारिक रुपमा सञ्चालनमा आएको घोषणा गरेका थिए। कार्यक्रममा बोल्दै नगर प्रमुख रवि केसीले सञ्चालनमा आएको बसपार्कमा मात्रै गाडीहरु पार्किङ गरेर अव्यवस्थित पार्किङलाई व्यवस्थित गराउन यातायात व्यवसायी लाई आग्रह गरे, केसीले भने, सवारी साधनहरु अझैँपनी बजार क्षेत्रको बिच सडकमै पार्किङ गर्दा जोखिम सङ्गै बजार क्षेत्र कुरुप देखिने हुदाँ यसलाई यातायात समिति र व्यवसायी मिलेर सहज बनाउन निर्देशन दिएका छन्। 
आठबिसकोटमा यस अघि नर्सरी स्थित २०७९ सालमा उद्घाटन गरिएको बसपार्क हाल सम्म सञ्चालनमा आएको थिएन्। सवारी साधनहरु अझैँपनी बजार क्षेत्रको बिच सडकमै पार्किङ गरिहेका छन्। अब सुविधा सम्पन्न बसपार्क सञ्चालनमा आएपछी पार्किङ व्यवस्थित हुने बताईएको छ ।
वसपार्क निर्माण कम्पनी गोर्ख मंगलदीपका अनुसार आवास सुविधा सहितको बसपार्क निर्माण भएको हो । कम्पनीका निर्देशक राज शाहीले भने, ३ हजार स्क्वायर मिटरको आरसीसी बसपार्क , टिकट काउन्टर, शौचालय, गेट र कम्पाउण्ड वाल सहित वायो इन्जिनियरिङ र जालिको घेराबार गरिएको बताए । बसपार्कमा २० वटा सम्म गाडी राख्न मिल्ने शाहीले बताए । उक्त बसपार्क करिब साढे ४ करोड लागतमा निर्माण भएको कम्पनीले जनाएको छ ।
ठुलिभेरी यातायात प्रालि आठबिसकोटका अध्यक्ष केशब खड्काका अनुसार आज उद्घाटन गरिएको बसपार्कमा केहिदिन पछि मात्रै गाडीहरु बसपार्कमा राखिने बताए । खड्काले भने, बसपार्क उद्घाटन भएपनी सुरक्षा र सबै हिसाबले केहिदिन पछि मात्रै पुर्ण रुपमा गाडीहरु बसपार्कमा राखिने जानकारी दिए । बजार क्षेत्रका सबै टिकट काउन्टरहरु बसपार्कमा राखिने खड्काले बताए ।
उद्घाटन कार्यक्रममा नगर प्रमुख रवि केसी, वडा नम्वर-९ का अध्यक्ष जनक बहादुर बटाला, उधोग बाणिज्य संघ आठबिसकोटका अध्यक्ष दिनेश चन्द , ईप्रका आठबिसकोटका प्रमुख गणेश खनाल लगायत यातायात व्यवसायिहरुको उपस्थिति रहेको थियो । दुई पटक उद्घाटन भएको नर्सरी बसपार्क सञ्चालनमा आउन नसकेपछि भखरै बनेको नयाँ बसपार्क उद्घाटन गरिएको हो ।
पुरानो बसपार्क अर्थात नर्सरीमा गाडी पार्किङ गर्न असुरक्षित ठानिएपछी यातायात व्यवसायीहरुले उक्त बसपार्कमा पार्किङ गर्न छाडेका थिए । अहिले ठाटीखोला नजिकै अर्को सुविधा सम्पन्न काउन्टर र आवास सहितको बसपार्क निर्माण भएको छ ।
