आठबिसकोट । सबैका लागि दिगो खानेपानी तथा सरसफाइ स्वच्छता आयोजना सुस्वा द्वारा सञ्चालित आठबिसकोट वास इकाइले मर्यादित महिनावारी व्यवस्थापन सम्बन्धि सासुबुहारी कार्यशाली गोष्ठी सम्पन्न गरेको छ । आठबिसकोट नगरपालिका वास ईकाईको आयोजनामा नगरपालिकाको-११ स्थित रिठामा कार्यशाला गोष्ठी सम्पन्न भएको हो ।
सामाजिक सहजकर्ता कर्ण केसीका अनुसार सासु बुहारीको बिचको सम्बन्ध बारे गोष्ठीमा छलफल गरिएको बताए । गोष्ठीमा वडाका सासु बुहारी तथा अन्य युवतीहरुको उपस्थिति रहेको थियो ।
त्यसैगरी आज शुक्रवार वडा नम्वर-११ स्थित जनकल्यान मावि गोइरीमा विधार्थीका लागि अतिरिक्त क्रियाकलाप अन्तर्गत हाजिरी जवाफ प्रतियोगिता सम्पन्न भएको छ । वास इकाइ आठबिसकोटको आयोजनामा विधार्थीलाई समुहगत बिभाजन गरेर हाजिरी जवाफ प्रतियोगिता सम्पन्न गरिएको हो ।
आठबिसकोट नगरपलिका नगर उपप्रमुख धन कुमारी शाहीको प्रमुख आतिथ्यतामा भएको उक्त कार्यक्रममा प्रशासन शाखा प्रमुख नेत्र भण्डारी, वास ईकाईका कर्मचारी, शिक्षक बिधार्थीको उपस्थिति रहेको थियो । भने कार्यक्रमको सञ्चालन बसन्त चन्दले गरेका थिए । कार्यक्रममा विधार्थीलाई कापि, कलम, सावुन र सरसफाइ सम्बन्धि नङकट, ब्रस र कोल्गेट लगायतका सामग्री सङ्गै फोहोर व्यवस्थापनका लगी झाडु र डस्टविन पनि वितरण गरिएको थियो ।
कार्यक्रममा बोल्दै नगर उपप्रमुख धन कुमारी शाहीले भनिन, “हाम्रो समाज सफा, सुन्दर र स्वस्थ बनाउन सरसफाइ अत्यन्तै महत्वपूर्ण पक्ष हो। वातावरण प्रदूषण, फोहर व्यवस्थापनको अभाव, र जनस्वास्थ्यमा बढ्दो जोखिमलाई दृष्टिगत गर्दै, आजको यो कार्यक्रमले ठूलो सन्देश बोकेको छ।
सरसफाइ सम्बन्धि सचेतना सँगसङ्गै विधार्थीको अतिरिक्त क्रियाकलाप अन्तर्गत गरिएको हाजिरी जवाफ प्रतियोगितामा सहभागी भएर प्रथम र अन्य स्थान हासिल गर्नेलाई कापि, कलम सावुन लगायत अन्य सामग्री पुरस्कार स्वरुप प्रदान गरिएको वास सहजकर्ता गोपाल विसीले जानकारी दिए।
