आठबिसकोट नगरपालिका-११ गोईरी स्थित जनकल्यान मावि विधालय क्षेत्रमा सञ्चालित पसलहरुबाट अवैध रुपमा विक्रिवितरण भैरहेका मदिरा जफत गरिएको छ । आठबिसकोट नगरपालिकाको छड्के अनुगमनका क्रममा विधालय नजिकै रहेका पसलहरुबाट मदिरा तथा सुर्तीजन्य पदार्थ जफत गरिएको हो ।
बिधालय नजिकै मदिरा बिक्रि गरिरहेका जगबिर पुनको पसलबाट १ पेटी २ वटा बाह्रसिङ्गे बियर, ब्रीक्स रक्सी ४७ वटा, क्वाटर २ पेटी, बल्याक ज्याक रक्सी १९ वटा , बिजुली चुरोट ७ प्याकेट, खुकुरी चुरोट ९ प्याकेट र १० हजार रुपैयाँ जरिवाना गरिएको अनुगमन समितिले जनाएको छ । त्यसैगरी भिउसन नाथको पसलबाट अबैध रुपमा बिक्रि गरिरहेको बाह्रसिङ्गे बियर १ पेटी, ब्रीक्स रक्सी २ पेटी २३ पिस , रनगोल २ पेटी सानो बियर १ पेटी जफत गरिएको हो ।
आठबिसकोट नगरपालिकाले बिधालय आसपास र सार्वजनिक स्थानको २०० मिटर भित्र अबैध रुपमा बिक्रि गरिरहेका मदिरा पसलहरुमा छड्के अनुगमन गरिरहेको छ । समितिका अनुसार हाल सम्म २ लाख बराबरको मदिरा तथा सुर्तीजन्य पदार्थ जफत गरिएको बताएको छ ।
