आठबिसकोट । १८ औँ गणतन्त्र दिवसको अवसरमा रुकुम पश्चिमको आठबिसकोट नगरपालिकामा आज बिहिवार साँझ दीप प्रज्वलन गरिएको छ ।

१८ औं गणतन्त्र दिवसकाे नगरपालिकामा दीप प्रज्वलन गरेकाे हाे । दीप प्रज्वलन कार्यक्रममा आठबिसकोट वास इकाई संयोजक नरेन्द्र केसी, नगर उपप्रमुख धन कुमारी शाही, नगर प्रहरी प्रमुख निरज विक, माओवादी निकट वाइसिएल आठबिसकोट अध्यक्ष सुसिल विक लगायतका अन्य नगरपालिका र वास ईकाइका कर्मचारीहरु सहभागी थिए । १८ औं गणतन्त्र दिवस आज देशभर विभिन्न कार्यक्रम गरी मनाइएकाे छ । 

दिप प्रज्वलन कार्यक्रममा बोल्दै संयोजक नरेन्द्र केसीले मुलुकमा गणतन्त्र बहाली भएको १८ वर्ष पुगेकोले गणतन्त्र दिवसलाई एक हर्षको रुपमा मनाउनुपर्ने बताए । उनले भने गणतन्त्र केवल एक दिवस मात्रै होईन । यो जनताले जितेको दिन हो । नगरपालिका परिसरमा दिप प्रज्वलन गर्दै एक आपसमा खुशी साटासाट गरेर दिवस मनाइएको हो ।