जाजरकोटको नलगाड नगरपालिका–६, गर्छिना गाउँमा बनाइएका भूकम्प प्रतिरोधी नमुना घर हस्तान्तरण गरिएको छ । २०८० कात्तिक१७ गतेको भूकम्पले पूर्ण रूपमा भत्किएका १० वटा घर एक कार्यक्रमका बिच नगरप्रमुख डम्वर बहादुर रावतले पीडित परिवारलाईहस्तान्तरण गरेका हुन ।
असल छिमेकी नेपाल संस्थाले निर्माण गरेका स्थानीय बिनबहादुर घर्ति, कालो कामी, हिरालाल बिक, मना बिक, बिर्खे बिक, जुना बिक, धनबिर सार्कि, दुधकली घर्ति, मगबहादुर रोकाय र दिपबहादुर घर्तिको परिवारलाई नगर प्रमुख रावतले घरको चाबी हस्तान्तरण गरिएकोहो ।
कार्यक्रममा नगर प्रमुख रावतले असल छिमेकी नेपाल संस्थाले नमुना घर निर्माण गरेर उदाहरणीय कार्य गरेको बताए। नगर प्रमुखरावतले संस्थाले आफ्नो नगरपालिकामा गरेका कामको प्रशंसा गरे ।
त्यस्तै पोखरेली ख्रिष्टियन समुदायका अध्यक्ष रामप्रसाद शर्माले विभिन्न संस्थाहरुको सहयोगमा आफुहरुले भुकम्प प्रतिरोध घर निर्माणगरेको बताए । उहाँले काममा सहज वातावरण बनाइदिएकोमा स्थानिय सरकारलाई धन्यवाद ज्ञापन गरे ।
विपत्का बेला घरबासविहीन भएका गरिब परिवारको बास निर्माणमा नलगाड नगरपालिकाले भरपुर सहयोग गरेको भन्दै पछि आफूलाईआनन्दको महसुस भएको समेत उनले बताए।
कार्यक्रममा भूकम्पपीडित परिवारका तर्फबाट बोल्दै दुधकली घर्तिले भूकम्पपछि कहाँ बसौँ र कसो गरौँ भनेर चिन्तित भएका बेला असलछिमेकी नेपाल संस्थाले अगुवाइ गरेर भूकम्प प्रतिरोधी घर बनाइदिएको भन्दै खुसी व्यक्त गरे ।
