गृहमन्त्री रमेश लेखकले राजीनामा दिने तयारी गरेका छन्। उनी निकट श्रोतका अनुसार भिजिट भिसा प्रकरणका कारण उनि पदबाट ससम्मान अलग हुने निर्णयमा पुगेको जनाएको छ।
गृह मन्त्रालयअन्तर्गत भिजिट भिसा प्रक्रियामा देखिएको अनियमितता, अध्यागमन विभागको सेटिङ र त्यसमा गृहमन्त्रीको सचिवालयको भूमिकालाई लिएर तीव्र आलोचना भएपछि मन्त्री लेखकमाथी राजिनामाको चर्को दबावमा परेको थियो ।
भिजिट भिसा प्रकरणमा गृहमन्त्री लेखकको प्रत्यक्ष संलग्नता नदेखिए पनि उनिमाथी नैतिकताको चर्को सवाल भने उठेको छ ।
सार्वजनिक रुपमा तीव्र आलोचना खेपिरहेका गृहमन्त्री लेखकलाई राजिनामा दिन बाध्य पार्ने प्रतिपक्षी दलहरूको तयारी छ । मंगलवार बस्ने संसद बैठक असामान्य हुने प्रतिक्रिया प्रतिपक्षी दल रास्वपाले दिइसकेको छ भने माओवादी केन्द्र लगाएतका दलहरुले सडक र संसदबाट सरकार र गृहमन्त्रीमाथी दवाव बढाउने रणनीति लिएको छ ।
सत्तारूढ दल कांग्रेस निकट स्रोतले औपचारिक पुष्टि नगरे पनि आज साझ वा संसद बैठक अघिनै गृहमन्त्रीको राजिनामा आउने दावी गरेको छ। उनको राजीनामाले सरकारभित्रको शक्ति सन्तुलनमा असर पर्ने भन्दै एमालेले गृहमन्त्रीलाई राजीनामा नदिन कांग्रेस सभापति शेरबहादुर देउवामार्फत दवाब बढाएको छ।
