आठबिसकोट । नेपाल राष्ट्रिय कर्मचारी संगठन आठबिसकोट नगर समिति रुकुम (पश्चिम) को दोश्रो नगर सम्मेलन सम्पन्न भएको छ । आज शनिवार आठबिसकोट स्थित नगर अस्पतालमा सम्पन्न दोस्रो नगर सम्मेलनबाट नयाँ समिति चयन भएको छ ।
संगठनको सम्मेलन बाट निराजन ओलिको अध्यक्षतामा १५ सदस्यीय नयाँ समिती गठन भएको हो । त्यस्तै संगठनको उपाध्यक्षतामा धनन्जय रिजाल, तिलक शर्मा ,सचिवमा राम बहादुर मल्ल, सहसचिव मनोज बिष्ट र कोषाध्यक्षमा सुशिला क्षेत्री चयन भएका हुन्।
नेपाल राष्ट्रिय कर्मचारी संगठन आठविसकोट नगरपालिकाको दोस्रो नगर सम्मेलन संगठनका नगर समिति अध्यक्ष कर्ण वहादुर केसीको अध्यक्षता र सचिव रत्न वहादुर परियारको सञ्चालनमा सम्पन्न भएको हो ।
कार्यक्रममा संगठनका केन्द्रिय उपाध्यक्ष शेर वहादुर खड्काको प्रमुख आथित्यता, नेकपा माओवादी केन्द्रका केन्द्रिय सदस्य तथा कर्णाली प्रदेश सरकारका पूर्व उर्जा तथा जलस्रोत मन्त्री रातो कामी र नगर प्रमुख रवि केसीको विशेष आथित्यता र पार्टीका प्रदेश कमिटी सदस्य गोर्खे कामी, नगर उपप्रमुख धनकुमारी शाही, पार्टीका नगर कमिटी अध्यक्ष मणिराज वटाला, सचिव दलजित विक, शिक्षक संगठनका अध्यक्ष देव वहादुर केसी लगाएत कर्मचारी संगठनका नेताहरूको आथित्यतामा सम्पन्न सम्मेलनबाट १५ सदस्यीय ।सहित नयाँ कार्य समिति चयन भएको हो ।
