आठबिसकोट । राष्टिय लोक तथा दोहोरी गीत प्रतिष्ठान नेपाल जिल्ला कार्यसमिती रुकुम पश्चिमको आयोजनामा “आठबिसकोट पर्यटन, व्यापार तथा साँस्कृतिक महोत्सव“ आजदेखि सुरु भएको छ ।
आठबिसकोटस्थित राडीबजारको रगंंशालामा आज बैशाख १६ गतेदेखि बैशाख २७ गतेसम्म महोत्सव सञ्चालन हुने आयोजकले जनाएको छ । आयोजकका अनुसार महोत्सवमा करिव ५० वटा स्टल, विभिन्न स्थानीय उत्पादनका साथै कृषि लगायतको प्रर्दशनी रहने छ ।
पर्यटन विकास तथा जिल्लाको सांस्कृतिक विविधताको प्रदर्शनका लागि महोत्सवको आयोजना गरिएको आयोजकले जनाएको छ ।
महोत्सव स्थलभित्र स्थानीय भेषभुषा, कला संस्कृति, खानपान लगायतको प्रर्दशनी गरिनुका साथै पर्यटन र संस्कृति साथै स्थानीय व्यापारलाई समेत प्राथमिकतामा राखेर संञ्चालन हुने महोत्सवमा व्यवसायिक स्टल समेत राखिएको छ । महोत्सव मा भोली चर्चित गायक भागिरथ चलाउने सहितका कलाकार आउने आयोजकले जनाएको छ
यसका साथै महोत्सवमा स्थानीय र राष्ट्रियस्तरका कलाकारहरूको प्रस्तुति समेत रहने बताइएको छ । महोत्सवमा नायक पल शाह, जिवन शर्मा, विष्णु खत्री, ज्योती मगर, पुष्कल शर्मा, बद्री पगेंनी, एलिना चौहान, समिक्षा अधिकारी लगाएत अन्य कलाकार आउने आयोजकले जनाएको छ ।
