नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी शर्मा ओलीले शिक्षकहरुलाई अपमानित गरिरहेको बताएका छन् ।

आज (शनिबार) प्रेस सेन्टर नेपाल पाँचौ राष्ट्रिय महाधिवेशन शपथग्रहण तथा पद हस्तान्तरण कार्यक्रमलाई सम्बोधन गर्दै उनले सरकारले लाज पचाएर शिक्षकहरुको माग सम्बोधन नगरी अपमानित गरिरहेको बताएका हुन् ।

पूर्व प्रधानमन्त्रीसमेत रहेका प्रचण्डले आफ्नो कार्यकालमा शिक्षकहरुसँग सहमति भएको र विधेयक संसद्मा प्रवेश गरेको उनले स्मरण गराए ।

प्रचण्डले छोटो बाटोबाट शिक्षा ऐन जारी गरी शिक्षकहरुको ुसमस्याको समाधान खोजिनुपर्ने बताए । तर, वर्तमान सरकार शिक्षकहरुको माग सम्बोधन गर्न तयार नभएको उनको आरोप छ ।