नेपाल कम्युनिस्ट पार्टी (बहुमत)का महासचिव धमेन्द्र बास्तोला (कञ्चन)ले अहिले देशमा प्रतिक्रियाबादी र यथास्थीतिबादीहरुको भिडण्त भईरहेको बताएका छन् । सोमवार पार्टीको ५ नम्वर व्युरोले दाङमा आयोजना गरेको स्कुलिङ तथा प्रशिक्षण समापन कार्यक्रममा सम्वोधन गर्दै यस्तो बताएको हुन । अहिले देशमा ठुलो उथलपुल भएको छ प्रतिक्रियाबादी र यथास्थीतीबादीहरुको बिचमा द्धोन्द्ध भईरहेको छ । यो लडाई रोकिदैन नत प्रतिक्रायाबादीहरु पछि हट्न मिल्छ नत यथास्थीतीबादीहरु पछि हट्न मिल्छ उनीहरु जुधिसके यिनीहरुको सिङ नफुत्किदा सम्म र एउटाले अर्कोलाई नपछार्दा सम्म त्यति सहज तरिका रोकिनेवाला छैन महासचिव कञ्चनले भने । यसको समाधानका लागि आमुल परिवर्तनको जरुरी छ त्यसको लागि एउटा मात्र बिकल्प आफ्नो पार्टी अगाडी सारेको बैज्ञानिक समाजबादी क्रान्तिबाट मात्रै हल बताएउँदै सामाजिक,राजनैतिक र आर्थीक पुणरसंरचनाबाट मात्रै यो समास्यको हल हुने उनको भनाई थियो ।

त्यस्तै ५ नम्वर व्युरो इन्चार्ज जीतले स्कुलिङमा ग्रहन गरेका ज्ञानहरु व्यवहारमा उतार्न बिभिन्न जिल्लाबाट सहभागी प्रशिक्षार्थीहरुलाई निर्देशन दिएका थिए भने पार्टीका नीति योजनाहरु कार्यन्वयनका लागि जनता सँग गाउँटोलमा लैजान आग्रह गरेका थिए । यो बैचारीक स्कुलिङले बिचारको भोका क्रान्तिकारीहरुलाई निकै ठूलो सहयोग पुग्ने उनको भनाई थियो ।

गत १२ गते उद्घाटन गरीएको स्कुलिङ तथा प्रशिक्षण आज १८ सकिएको हो । समापन कार्यक्रममा पार्टीका महासचिव धर्मेन्द्र बास्तोला (कञ्चन), स्थायी समिति सदस्य दिपक चलाउने, प्रवीर , आजद लगाएतका नेताहरुको उपस्थीति रहेको थियो । कार्यक्रममा सहजिकार अघाखाँची जिल्ला पार्टी इन्चाजए रेखा खनालको रहेको थियो ।