सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई बर्खास्त गरेको खबर सार्वजनिक भएसँगै नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले सामाजिक सञ्जालमार्फत आपत्ति जनाएका छन्।

प्रचण्डले फेसबुकमा लेखेका छन, “देशमा जनताले चरम लोडसेडिङको मार खेपिरहेका बेला, मेरो नेतृत्वको सरकारले एक उर्जा विज्ञका रूपमा कुलमान घिसिङलाई विद्युत प्राधिकरणको कार्यकारी निर्देशकमा नियुक्त गरेको थियो। हाम्रो सरकारको योजना, अनि उहाँको विज्ञता र क्षमताका कारण उज्यालो नेपाल निर्माण गर्न सफलता प्राप्त भएको सबैलाई थाहा छ।”

उनले कुलमान घिसिङमाथि सरकारले पटक–पटक अन्याय गर्दै आएको आरोप लगाउँदै भनेका छन, “प्राधिकरणको बाँकी बक्यौता जनताको पैसा हो, उठाउनुपर्छ भनेकै कारण उहाँलाई सरकारले निरन्तर स्पष्टीकरण सोध्दै दबाव दिइरहेको थियो। आज मन्त्रीपरिषद् बैठकबाट उहाँलाई बर्खास्त गरेको खबर सार्वजनिक भएको छ। आशा गरौं यो खबर असत्य होस्। यदि सत्य नै हो भने, यो कदम बिल्कुल गलत र आपत्तिजनक छ। दुई तिहाई बहुमतको दम्भमा गरिएको यो निर्णयप्रति म घोर निन्दा गर्दछु र यसको प्रतिरोध गर्न सबैमा आग्रह गर्दछु ।