पर्वमा १४ वर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ।पक्राउ पर्नेमा जलजला गाउँपालिका-९ बनौ घर भई कुश्मा नगरपालिका-६ राम मन्दिर चोक डेरा गरी बस्ने १९ वर्षीय विजय फगामी मगर रहेका छन्।

उनलाई आइतबार दिउँसो पक्राउ गरिएको पर्वतका प्रहरी प्रमुख प्रहरी नायब उपरीक्षक रविन विष्टले बताए।मगरले ती बालिकालाई गत मंसिर ३ गते जबरजस्ती करणी गरेको उजुरी प्रहरीमा परेको थियो। मगरलाई जिल्ला प्रहरी कार्यालय पर्वतको हिरासतमा अनुसन्धान थालिएको छ। बालिकाको स्वास्थ्य परीक्षण लगायतको कार्य भइरहेको छ।  यस्तै, १६ वर्षीया बालिकालाई जबरजस्ती करणी गरेको आरोपमा पाँचथरमा एक जना पक्राउ परेका छन्।

पक्राउ पर्नेमा हिलिहाङ गाउँपालिका-४ घर भएका २६ वर्षीय दोर्ण रसाइली रहेका छन्। उनलाई शनिबार साँझ प्रहरीले पक्राउ गरेको हो।रसाइलीले ती बालिकालाई फिदिम नगरपालिका-२ रमिते डाँडास्थित रमिते होटलको कोठामा बिहीबार जबरजस्ती करणी गरेको उजुरी परेको थियो ।