रुकुम पश्चिमको आठबिसकोट नगरपालिकामा सामाजिक सुरक्षा भत्ता वडामै गएर बाँडिएको छ । जेष्ठ नागरिकहरु बैँक सम्म पुग्न कठिन हुने र समय धेरै लाग्ने हुँदा वडामै गएर भत्ता वितरण गरिएको बताईएको छ ।

प्रभु बैंक शाखा कार्यालय आठबिसकोटले घुम्ती सिविर मार्फत नगरपालिकाको वडा नम्वर ४ र ५ मा रहेका लाभग्राहीहरुलाई भत्ता वितरण गरेको हो । यस अघि पालिकाको केन्द्र राडीबजारमा रहेको प्रभु बैंकको कार्यालयमा आएर भत्ता बुझ्नुपर्थ्यो ।

गोतामकोट बाट राडीबजार आएर लाइनमा बसेर भत्ता बुझ्ने झनझटबाट जेष्ठ नागरिक मुक्त भएका छन्। घरमै भत्ता बुझ्न पाउदा उनीहरुमा खुसीयाली छाएको छ । सिविर मार्फत ३ सय भन्दा बढीलाई सामाजिक सुरक्षा भत्ता वितरण गरिएको जनाईएको छ ।