नेकपा बहुमत निकट अनेमा संघ क्रान्तिकारी दाङले आज ११५ औँ नारी दिवस घोराहीमा एक कार्यक्रमको बिच शुभकामना आदनप्रदान गरी मनाएको छ।

उक्त कार्यक्रमलाई सम्वोधन गर्दै नेकपा (बहुमत)की निर्देशक समिति सचिव तथा पुर्व सांसद सरला रेग्मीले ११५ औं अन्तर्राष्ट्रिय नारी दिवसको अवसरमा नारीको संघर्ष असमानतासम्बन्धी महत्वपूर्ण विचार व्यक्त गरेकी थिईन । भने नारीको इतिहास र संघर्षका विभिन्न पक्षहरूमा आफ्नो विचार राख्दै उनले विशेष गरी निम्न वर्गीय श्रमिक मजदुर नारीहरूको संघर्ष, नारीप्रति समाजमा व्याप्त असमानता, र नेपालमा नारीले गर्नुपर्ने वर्ग संघर्षका मुद्दाहरू उठाएकी थिइन्। कार्यक्रमको सुरुमा पुर्व सांसद सरलाले ११५ वर्षअघि पहिलो पटक नारी दिवस मनाइएको र यसका पछाडि रहेको ऐतिहासिक महत्वलाई सम्मान गर्दै भनिन्, “आजको दिन केवल उत्सवको दिन मात्र होइन, यो दिन नारीको अधिकार, समानता र समृद्धिको लागि भएका संघर्षहरूको सम्झना र सम्मान गर्ने दिन पनि हो।“

त्यस्तै आज पनि नेपालमा धेरै महिला श्रमिक र मजदुरहरू यथेष्ट ज्याला र सम्मान पाउनबाट बन्चित भएको बताउँदै महिलाहरु दलाल पँुजीवादी व्यवस्थाका कारण नारीको निनवेच हुने बिकृति बढेको बताउँदै पुरुष श्रमिक र महिला श्रमको समाज ज्याला नदिइनु, उनीहरूको कामको सम्मान नगर्नु एक ठूलो सामाजिक असमानता हुनु हो। यो असमानता केवल श्रमिक क्षेत्रमा मात्र सीमित छैन, बरु समाजका अन्य सबै क्षेत्रहरूमा पनि देखिने गरेको उनको भनाई थियो ।

कार्यक्रममा अनेमा संघ क्रान्तिकारी लुम्विनी प्रदेश संयोजक धारणा लगाएत दाङ जिला पार्टीका महिला दिदि बहिनीहरुको उपस्थीति रहेका थियो ।