रुकुम पश्चिमको आठबिसकोट नगरपालिका का नगरप्रमुख रवि केसीले समयमै सडक कालोपत्र गर्न पुर्वाधार कार्यालयलाई ध्यानाकर्षण गराएका छन्। बुधवार केसीले कार्यालयलाई लामो समयदेखि अलपत्रपरेको सडक चाँडो निर्माण गर्न ध्यानाकर्षण गराएका हुन्।

नगरपालिकाले समयमै सडक मर्मतका लागी ध्यानाकर्षण गराएको छ । पुर्वाधार विकास कार्यालय रुकुम पश्चिमलाई रुकुम पश्चिमको आठबिसकोट नगरपालिका-११ चिसापानी देखि वडा नम्वर ९ राडी बजार सम्मको सडक मर्मतका लागी बुधवार ध्यानाकर्षन गराएको हो । पुर्वाधार विकास कार्यालय चौरजहारी र एमएस पिएस जियसएचसी जेभी कपनले वि. स.२०७८ जेठ ३ गते लिएको ठेक्का लिएको थियो । तर लामो समय देखि उक्त सडक अलपत्र अवस्थामा परेको छ ।

नगरप्रमुख रवि केसीका अनुसार सम्झौता अनुसार निर्माण कम्पनीले २०८२ जेठ २० गते भित्र काम सम्पन्न गर्नुपर्ने छ । तर उक्त सडकमा अहिले सम्म काम सुरु भएको छैन्। पटक पटक कार्यालय बाट पत्र पठाउदा अटेरी गरेपछी पुर्वाधार विकास कार्यालय मार्फत निर्माण कम्पनीलाई ध्यानाकर्षण गराइएको र पुन अटेरी गरे नगरपालिकाले संघर्षका कार्यक्रम अगाडी बढाउने नगरप्रमुख केसीले बताए ।

ठेकेदारको अटेरीले ४ वर्षमा पनि आयोजनाले पूर्णता पाउन नसक्दा यात्रु, यातायात व्यवसायी र स्थानीयबासी सास्ती पाएका छन् । आठबिसकोट नगरपालिका-११ चिसापानी देखि पालिकाको केन्द्र राडीबजार सम्म ८ किलोमिटर सहित चिसापानी , राडी नदुवा मुसिकोट माछिमी सडक आयोजना अन्तर्गत सडक कालोपत्र गर्न ठेकेदार कम्पनी र पूर्वाधार विकास कार्यालय चौरजहारी विच ३३ करोड ४८ लाख ८९ हजार ८७३ रुपियाँमा ठेक्का सम्झौता भएको थियो । कार्यालयका अनुसार आयोजनाको अहिलेसम्म भौतिक प्रगति करिब ४० प्रतिशत सम्पन्न भएको छ ।

यस अघि उज्यालोपाटीले आठबिसकोटको ‘लाइफलाइन’ मानिने चिसापानी राडी सडक वर्षौँ देखि अलपत्र शिर्षकमा समाचार प्रकाशित गरेको थियो । समाचार प्रकाशित पछि नगरपालिकाले ध्यानाकर्षण गराएको हो । लामो समय देखि सडक निर्माणको काम नहुँदा यात्रु र स्थानीयले सास्ती बेहोर्दै आएका छन् ।  सडक वेवारिस्से अवस्थामा छोड्दा दुर्घटनाको जोखिम र यातायात सञ्चालनमा समेत समस्या हुने गरेको छ ।