नेकपा (बहुमत) निकट बिद्यार्थी संगठन अखिल (क्रान्तिकारी) रुपन्देहीले सात दिने अल्टिमेटम पत्र बुुझाएको छ । आईतवार बुुटवल उपमहानगरपालिकाको शिक्षा,युुवा तथा खेलकुुद शाखामा जिल्ला अध्यक्ष आकाश गौतमको नेतृत्वमा गएको टोलिले सात दिने अल्टिमेटम पत्र बुुझाएको हो ।
शिक्षा क्षेत्रमा देखिएका दलालीकरण , व्यापारीकरण र शिक्षामा देखिएका बिकृतिका बिरुद्धमा आवाज उठाउँदै आईरहेको बताउदै अखिल क्रान्तिकारीले बुुटल उपमहानगरपालिकामा दुईवटा सामुुदायिक बिद्यालयमा देखिएको समस्यको समाधान गर्न शिक्षा शाखालाई अल्टिमेटम पत्र बुुझाएको हो ।
अखिल क्रान्तिकारीले अल्टिमेटम पत्रमा कान्ति माध्यामिक बिद्यालय र नबीन औद्योगिक कदर बहादुर रीता मा.बि.मा २०८० बैशाख २ गते बिद्यालय व्यावस्थापन समितिको अबधि सकिदा पनि अहिले सम्म बिद्यालय व्यवस्थापन समिति गठन नभएको प्रति संगठनको गम्भीर ध्यानकर्षण भएको बताएको छ । हाल सम्म बिद्यालय व्यवस्थापन समिति गठन नहुनुको कारण एमाले कांग्रेसले बिद्यालयलाई आफ्नो अड्ढा बनाउन खोज्दा र बिद्यालयको व्यवस्थापन समिति गठन नहुदा २५ जना शिक्षकको दरबन्दी खाली रहेको अल्टिमेटम पत्रमा बताएको छ ।
बिद्यालयलाई पार्टीको भर्ती केन्द्र बनाउन नहुने , दुबै बिद्यालयको सात दिन भित्र अभिभावक भेला बोलाई शुद्ध अभिभावक व्यवस्थापन समिति चयन गरि तत्काल आबश्यक शिक्षकको व्यवस्थापन गरी बिद्यालयको पठनपाठनमा व्यवस्थीत गरिनु पर्ने लगाएतका मागहरु राख्दै सात दिने अल्टिमेटम पत्र बुझाएको हो । साथै बिद्यालयलाई ल्यावको प्रयोग गर्ने भाँडाको बनाएर आफ्नो पार्टीको अनुकुलतामा प्रयोग गर्ने प्रबृत्तिका बिरुद्ध निर्मम भएर संघर्ष गरिने चेतवानी दिएको छ ।
