केहि समय यता संसदीय राजनीतिका ठूला पार्टीका केन्द्रीय पार्टी अध्यक्ष र पार्टी सभापति दाङ जिल्लामा आउँने क्रम जारी रहेको छ । बिभिन्न कार्यक्रमको बाहाना बनाउँदै प्रमुख दलका नेताहरु दाङ आउँन थालेका छन् । प्रमुख दलका केन्द्रीय नेताहरुले जिल्लामा आउँदा अन्य समस्याहरुका बिषयमा बोल्छ नै दाङमा आउँदा बिमानस्थलको बिषयमा बोल्न भने छुटाउँदैनन् । गएको संसदीय चुनावमा भोट माग्दै गर्दा तुलसीपुरको टरिगाउँमा रहेको एयरपोर्ट कै बिषयम भाषण ठोकेका राजनैतिक दलहरु अर्को चुनाबमा पनि सोही एयरपोर्ट कै बिषयमा भाषण ठोक्ने निश्चित जस्तै देखिन्छ । माघ ११ गते पार्टी नगरअबिधेशन उद्घाट तथा खबरदारी सभालाई सम्बाधन गर्न दाङ आएका नेकपा माओबादी केन्द्रका अध्यक्ष तथा पुर्व प्रधानमन्त्री पुष्पकमल दाहाल (प्रचण्ड) ले ढिला सुस्ती भएको घोराही तुलसीपुर चारलेन सडक लगाएत बिभिन्न बिषयमा धारणा राखेका थिए भने तुलसीपुरको टरिगाउँको एयरपोर्टमा जहाज आवत जावत नियमित गर्न धावन मार्गको स्तरबुद्धि गर्न पहल गर्न प्रतिबद्धता जनाएका थिए ।
माओबादी केन्द्रका अध्यक्ष प्रचण्ड दाङ आएको दुई साता पछि (आज) २६ गते नेपाली कांग्रेसका सभापति तथा पुर्व प्रधानमन्त्री शेर बहादुुर देउवा दाङ आएका छन् । दंगीशरण गाउँपालिका –३ चखौरामा थारु संरक्षण केन्द्र दाङ चखौरा मटावा बरघर र भलमनसा संघको आयोजनामा थारु संग्राहालयमा प्रदेशस्तरिय थारु सांस्कृतिक तथा रैथाने खाना महोत्सवको उद्घाट्न गर्न देउवा दाङ आएका हुन । कार्यक्रमलाई सम्वोधन गर्दै सभापति देउवाले थारु समुदायको शिक्षा,स्वास्थ्य र सीप बिकाशमा विशेष ध्यान दिनु पर्ने बताउँदै थारु समुदायको उत्थानका लागि राज्य तहमा उनीहरुको प्रतिनिधित्व बढाउनु पर्ने बताएका थिए । त्यस्तै टरिगाउँ एयरपोर्टलाई स्तरबृद्धि गरी नियमित जहाज उडानको लागि सरकारलाई दवाव दिने बताएका छन् । कार्यक्रमा पुर्व गृहमन्त्री बालकृष्ण खान , लुम्विनी प्रदेशका मुख्यमन्त्री चेतनारायण आचार्य , पुर्ब मुख्यमन्त्री डिल्ली चौधरी लगाएतको उपस्थीति रहेको थियो ।
नेकपा माओबादी केन्द्र र नेपाली कांग्रेसका प्रमुख नेता दाङ आईसकेका छने आउँदो फागुन ५ गते जनसभालाई सम्वोधन गर्न नेकपा एमालेका अध्यक्ष तथा प्रधानमन्त्री केपी शर्मा वली दाङ आउँदै छन् । यसरी एक पछि अर्को प्रमुख दलका केन्द्रिय प्रमुख नेता दाङमा आई रहदा जनताहरुमा भने खासै उत्साह देखिदैन ।
