आठबिसकोट । रुकुम पश्चिमको आठबिसकोट नगरपालिका सञ्चालित सयुंक्त पुनलार्भ कार्ययोजना, सामुदायिक पुर्वाधार उत्थानशीलता तथा विश्व खाध्य सुरक्षा अभिवृद्धि परियोजना अन्तर्गत सडक स्तरोन्न्ति आयोजना हस्तान्तरण गरिएको छ । आठबिसकोटको वडा नम्वर ११ को तुसारे गोईरी झ्यामखोला, वडा नम्वर १२ को कालाखोला वडा कार्यालय ठुलिबार्खु, १३ को भल्मा चुलचुले वडा कार्यालय र वडा नम्वर १४ को बाँकेज्युला वडा कार्यालय सम्म स्तरोन्न्ति गरिएको सडक आज आइतवार पालिकालाई हस्तान्तरण गरिएको हो ।
गत भदौ १९ गते उक्त स्थानका सडक निर्माण उपभोक्ता समिति र सप्रोस नेपाल विच त्रीपक्षिय सम्झौता भएर गत पुस १० गते सडक निर्माण कार्य सम्पन्न भएको परियोजनाका संयोजक त्रीभुवन बास्तोलाले बताए । उनका अनुसार सडक स्तरोन्न्ति मा कुल सात करोड ३८ लाख रुपैयाँ लागतमा परियोजना सम्पन्न भएको हो ।
उक्त सडक निर्माण पछि स्थानीयलाई आवतजावत मा सजिलो हुनुका साथै दैनिक आर्थिक गतिविधिमा समेत सहयोग पुग्ने जनाईएको छ । परियोजना हस्तान्तरणमा बोल्दै आठबिसकोटका नगर प्रमुख रवि केसीले संघ सस्था, नगरपालिका र नागरिकको सहयोगले काम प्रभावकारी भएको बताए । उनले भने सबैको सक्रियता र सहयोगले प्रभावकारी कार्य भएको छ । सप्रोस नेपाल लगायतका अन्य साझेदारी संस्थाले गुणस्तरिय र प्रभावकारी काम गरेको छ । केही संस्थाले राजनीति सँग जोडेर काम गर्ने देखिएपनी , सप्रोसले निष्पक्ष ढंगले काम गरेको छ ।
परियोजनाले सम्पन्न गरेको उक्त सडक निर्माण पछि पुर्वाधारले स्थानीय जनतलाई सहज हुने जनाईएको छ । स्थानीय सरकार स्थापना पछि पहिलोपटक पालिका भित्रका भित्री सडक लाई स्तरोन्न्ति गरिएको हो । बेलायती राजदुतावास काठमाडौं को आर्थिक सहयोग विश्व खाध्य कार्यक्रम र सप्रोस नेपालको संयुक्त सहकार्य तथा आठबिसकोट नगरपालिकाको समन्वयमा उक्त परियोजना सञ्चालन भएको थियो ।
