आठबिसकोट । रुकुम पश्चिमको आठविसकोट नगरपालिका वडा नम्बर ११ रिठा नजिकै बस दुर्घटना भएको छ । काठमाडौँ बाट रुकुमको राडी तर्फ आउँदै गरेको बटालियन यातायात प्रालिको प्रदेश ३–०१–००५ ख ९९६६ नम्वरको रात्री बस आज शनिवार रिठा नजिकै दुर्घटना भएको हो ।
ईलाका प्रहरी कार्यालय आठबिसकोटका अनुसार बस सडकबाट करिब ४० मिटर तल खसेर बिजुलीको पोलमा अड्किएको बताईएकोछ । सडक बाट खसेको बस लाई बिजुलीको पोलले ठुलीभेरीमा खस्न बाट जोगाएको छ । बसमा सवार ९ जना घाइते यात्रुको अहिले आठबिसकोट नगर अस्पतालमा उपचार भैरहेको छ ।
दुर्घटनामा घाइते हुनेहरुमा घाइते हुनेमा धादिङ खाग्री गाउँपालिका १ का ३१ वर्षिय चालक खड़क बहादुर तामाङ, सोही गाउँपालिका ६बस्ने २८ वर्षिय भिमबहादुर भुलन, रुकुम पश्चिमको आठविसकोट नगरपालिका ९ का ३१ वर्षिय प्रकाश गौतम, दोलखा भिमेश्वर नगरपालिका ७ का २६ वर्षिय प्रकाश मगराठी , आठविसकोट नगरपालिका ११ का १७ वर्षीय गणेश रसाइली, जाजरकोट नलगाडनगरपालिका ८ का ४५ वर्षिया भिमकुमारी चदारा, उनको १० वर्षको छोरा मानबहादुर चदारा, मोरङ खेरुवा नगरपालिका ५ का २८वर्षिय आकाश काफ्ने र जाजरकोट नलगाड नगरपालिका १२ की २५ वर्षिया सङकुमारी विक रहेको प्रहरीले जनाएको छ ।
