कोशी, मधेस, लुम्बिनी, कर्णाली र सुदूरपश्चिम  प्रदेशका एक–दुई स्थानमा भारी वर्षाको सम्भावना रहेको जलतथा मौसम बिज्ञान विभाग मौसम पूर्वानुमान महाशाखाले जनाएको छ ।

Advertisement

देशभर मनसुनी वायुका साथै बङ्गालको खाडीमा विकसित भएको न्यून चापीय प्रणालीको प्रभाव रहेको बताउँदै  मौसम पूर्वानुमान महाशाखाले देशका सबै भेगमा साधारणतया बदलीदेखि पूर्णतया बदली रहेको जनाएको हो ।

महाशाखाका अनुसार आज दिउँसो देशभर सबै प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ । कोशी, मधेस, लुम्बिनी, कर्णाली र सुदूरपश्चिम प्रदेशका एक–दुई स्थानमा भारी वर्षाको सम्भावना छ । कोशी, मधेस, लुम्बिनी र सुदूरपश्चिम प्रदेशका एक–दुई स्थानमा धेरै भारी वर्षाको सम्भावना रहेको छ । देशका तराई भेगका केही स्थानमा हुरी चल्ने सम्भावना रहेको महाशाखाले जनाएको छ।