आठबिसकोट । रुकुम पश्चिमको आठबिसकोटमा ७५ हजार रुपैयाँ पुरस्कार राशिको भलिबल प्रतियोगिता आयोजना गरिने भएकोछ। आउँदो २७ गते देखि आठबिसकोटमै दोस्रो ठूलो पुरस्कार राशि भएको प्रतियोगिता सञ्चालन गर्न लागिएको हो
आठबिसकोट नगरपालिका–२ स्थित १३ औँ पाँच पुर्णिमा मेला आयोजक समितिले प्रतियोगिता आयोजना गरेको हो ।‘प्रतियोगिताकोतयारी धमाधम भइरहेको छ,’ । समितिका सल्लाहकार हरि बहादुर यरीले जानकारी दिए । उनका अनुसार प्रतियोगितामा प्रथम हुनेसमुहले ७५ हजार, दोस्रो हुनेले ५५ हजार र तेस्रो हुनेले ३५ हजार रुपैयाँ पुरस्कार पाउने छन्। खेलमा सहभागी हुने समुहले ७ हजार पाँचदर्ता शुल्क बुझाउनुपर्ने छ । खेल वडा स्तरिय हुने बताईएको छ ।
त्यस्तै सो मेलामा महिला भलिवलको पनि आयोजना गरिएको छ । महिला तर्फ प्रथम हुनेले २० हजार पुरस्कार पाउने छन्। भलिवल सँगैसटफुट, घैटोफोर, लोकदोहोरी , पैसेरु नाँच, नाटक प्रदर्शन, मयुर नाँच, नृत्यकला प्रदर्शन लगायका विविध कार्यक्रमहरु गरिनेआयोजकले जनाएको छ । अन्तिम टिमदर्ता २७ गतेसम्म र उद्घाटन असोज २८ गते हुने जनाईएको छ ।
पर्यटकीय क्षेत्र काँडे दह, शाही कुमारी, चित्रीपाटन र सिस्ने हिमाल लगायतका क्षेत्र समेट्नेगरी टिकटक बनाउनेलाई उत्कृष्ट छनौट गरेरपाँच हजार रुपैयाँको पुरस्कार रहेको आयोजकले जनाएको छ । साथै खेल व्यवस्थापनको लागि आवश्यक पर्ने प्राविधिक , सामाग्रीलगायत व्यवस्थापनको आगि आठबिसकोट नगरपालिकालाई सहयोग गर्न समितिले अनुरोध समेत गरेको छ ।
पुरा विवरण हेर्नुहोस :
