पोखरा : वासना कला केन्द्रको प्रस्तुतिमा निर्माण गरिएको नेपाली कथानक चलचित्र “हितको माया”को श्रीकृष्ण सिनेमा हल पोखरा तेर्सापट्टी मा विशेष प्रदर्शन भव्यताका साथ सम्पन्न भएको छ ।
विशेष प्रदर्शन सँगै मुख्य भुमिकामा डेव्यु गरेका नायक अरिद थापाको मोफसलमा निकै चर्चा भइरहेको छ । विशेष प्रदर्शनमा उपस्थित दर्शकहरुको सकारात्मक प्रतिक्रियाको साथसाथै चलचित्र क्षेत्र बाटै उनलाई शुभकामना सुझाव र आगामी चलचित्रमा सहकार्य गर्ने प्रस्तावहरु समेत आउन थालेका छन ।
चलचित्र क्षेत्रको लागि उनको यो पहिलो पाइला भए पनि उनले गरेको अभिनय निकै नै सरल र परिपक्व भएको चलचित्र हेर्नेहरुको भनाई छ । हेर्दा झट्ट चक्लेटी शान्त स्वभावका उनले आफ्नो काम प्रतिको इमानदारीता अभिनय मार्फत दर्शाएका छन भने दर्शकहरुले मुख्य नायकको रुपमा अरिद थापालाई निकै रुचाएको प्रतिक्रिया दिएका थिए ।
गत चैत्र १५ देखि छायांकन सुरु भएको चलचित्र हितको माया सम्पुर्ण प्राविधिक कामहरु सकिए लगत्तै विशेष प्रदर्शन गरिएको थियो भने विशेष प्रदर्शनको लक्ष्य चाहिँ चलचित्र प्रती आफ्नो मिहेनतमा दर्शक तथा अन्य उपस्थित कलाकारहरुको प्रतिक्रिया लाई आत्मसाथ गर्नु थियो । तर देशको विषम परिस्थितिका कारण विशेष प्रदर्शन अगाडि चलचित्र निर्माण टिमले प्रदर्शनको अघिल्लो दिन नै बाढीपीडितहरुलाई सहयोग गर्ने घोषणा गरेबमोजिम अहिले “प्रधानमन्त्री दैवी प्रकोप उद्वार कोष”मा रकम हस्तान्तरण गर्ने तयारी रहेको बताइएको छ ।
चलचित्र अब छिट्टै देशका विभिन्न हलमा एकसाथ प्रदर्शन गर्ने तयारी अगाडि सारिएको छ । चलचित्रका निर्माता ,लेखक ,निर्देशक तथा सम्पादक मनोज बिक भावुक हुन भने चलचित्रलाई सुवास सुबेदीले छायांकन गरेका हुन उनलाई सन्तोष पौडेलले साथ दिएका छन साथै सहायक निर्देशनमा गम्भीर रानामगर ,सुचेन्द्र परियार र रेशम नेपाली रहेका छन भने हरि पौड्याल र अमृत देवकोटाले प्रकाश पारेका छन श्रिङ्गारमा जय गुरुङले कलाकारहरुलाई श्रिङ्गारेका छन ।
चलचित्रको मुख्य भुमिकामा अरिद थापा सँगै र प्रतिमा गुरुङ रहेका छन भने नबिना गुरुङ ,कृष्ण गुरुङ ,तिल गुरुङ चित्रे , श्याम पुन मगर , भिम कुमारी गुरुङ , इश्वर गुरुङ ,रविना गुरुङ लगायत अन्य कलाकारहरुले साथ दिएका छन । चलचित्रमा ३ वटा गीत र ३ वटा फाइट पनि समावेश गरिएको छ जसमा गीत तर्फ मिलन गुरुङ , प्रिया गुरुङ र उषा गुरुङले आवाज दिएका छन भने मनोज बिक भावुक र सौगात आशकले शब्द सृजना गरेका छन साथै राजेश विष्टले एरेन्ज गरेका थिए । सबै गीतमा युवराज गुरुङको नृत्य निर्देशन रहेको छ । चलचित्रमा सचिन तामाङले द्वन्द निर्देशन गरेका छन ।
चलचित्र “हितको माया” निर्माणका लागि पार्श्व संगीत तथा ध्वनी मिश्रण बिनोद रसाइलीले गरेका छन भने सहायक पार्श्व संगीतमा बवी दियाली रहेकी छन साथै चलचित्रमा सगुन तामाङले रङ भरेका छन । यसैगरी यो चलचित्र निर्माणको सम्पुर्ण व्यवस्थापन भरत अधिकारी र सुजन वि.क.ले सम्हालेका थिए ।
