जिल्ला समन्वय समिति रुकुम पश्चिमको स्कार्पियो बस सँग ठोकिएर दुर्घटना भएको छ । आज आइतबार बिहान रुकुम पश्चिमको मुसिकोट नगरपालिका ८ घोरखानीको मध्यपहाडी राजमार्ग अन्तर्गत उक्त दुर्घटना भएको हो । जिल्ला प्रहरी कार्यालयका अनुसार सरकारी स्कार्पियो र यात्रुबाहक बस एकआपसमा ठोक्किँदा दुवै सवारीसाधनमा क्षति पुगेको छ।
दुर्घटनामा कुनै मानवीय क्षति भने भएको छैन। प्रहरीका अनुसार बिहान करिब ७ः३० बजे रुकुम पश्चिमको खलंगाबाट काठमाडौंतर्फ जाँदै गरेको जिल्ला समन्वय समिति रुकुम पश्चिमको क.प्र.०२–००१ झ ००९२ नम्बरको सरकारी स्कार्पियोलाई विपरीत दिशाबाट काठमाडौंदेखि चौरजहारीतर्फ आउँदै गरेको बा.प्र.०१–००६ ख ५१८७ नम्बरको यात्रुबाहक बसले साइड दिने क्रममा ठक्कर दिएको हो।
बसमा चालकसहित २२ जना र स्कार्पियोमा ४ जना सवार रहेको सबै यात्रु सकुशल भएको र बस र स्करर्पियोमा क्षती पुगेको जनाईएको छ । दुर्घटना घटनाबारे प्रहरीले थप अनुसन्धान गरिरहेको जनाएको छ।
