काठमाडौं । उज्यालोपाटी डटकमले समाचार सम्पादकको जिम्मेवारी पत्रकार सुजनविश्वकर्मा लाई प्रदान गरेको छ।
उज्यालो पाटीले आफ्नो सम्पादकीय टोलीलाई थप सुदृढ र प्रभावकारी बनाउने उद्देश्यका साथ विश्वकर्मा लाई समाचार सम्पादकको जिम्मेवारी दिएको जनाएको छ।
पत्रकारिता क्षेत्रमा समाचार संकलन, सम्पादन तथा समाचार व्यवस्थापनको अनुभव रहेका विश्वकर्माको नेतृत्वमा समाचारको गुणस्तर, विश्वसनीयता र प्रभावकारितालाई अझ सशक्त बनाइने विश्वास गरिएको छ। यस अघि उनी उज्यालो पाटीका लागि गण्डकी प्रदेश प्रमुखका रुपमा कार्यरत थिए।
नवनियुक्त समाचार सम्पादक सुजन विश्वकर्माले सत्य, निष्पक्ष र जनउत्तरदायी पत्रकारिताप्रति प्रतिबद्ध रहँदै पाठकलाई छिटो, तथ्यपरक र विश्वसनीय सूचना उपलब्ध गराउन आफूले जिम्मेवारीपूर्वक काम गर्ने प्रतिबद्धता व्यक्त गरेका छन्।
उज्यालो पाटी परिवारले विकको सफल कार्यकालको शुभकामना व्यक्त गर्दै आगामी दिनमा संस्थाको पत्रकारितालाई अझ उचाइमा पुर्याउन उनको भूमिका महत्वपूर्ण रहने विश्वास व्यक्त गरेको छ।
