रुकुम पश्चिम। संघीय सरकारले आगामी आर्थिक वर्ष २०८३/८४ का लागि रुकुम पश्चिमका ६ वटा स्थानीय तहका लागि कुल २ अर्ब ३५ करोड ५४ लाख अनुदान रकम विनियोजन गरेको छ ।
अर्थ मन्त्रालयले आगामी आर्थिक वर्ष २०८३/८४ का लागि गरेको अन्तर–सरकारी वित्तीय हस्तान्तरणमार्फत प्रदेश र स्थानीय तहलाई विनियोजन गरेको रकम सार्वजनिक विवरणबाट उज्यालोपाटीले स्थानीय तहको विवरण तयार पारेको हो ।
जिल्लाका पालिकालाई समानीकरण, सशर्त, विशेष र समपुरक अनुदानमा रकम विनियोज गरिएको हो । जसअनुसार सबैभन्दा बढी मुसिकोट नगरपालिकालाई कुल ४७ करोड ४४ लाख रकम विनियोजन गरिएको छ । सबैभन्दा कम बाँफिकोट गाउँपालिकालाई ३२ करोड ४७ लाख विनियोजन गरिएको छ ।
मुसिकोट नगरपालिका :४७ करोड ४४ लाख
आठबिसकोट नगरपालिका : ४५ करोड ९ लाख
चौरजहारी नगरपालिका : ३६ करोड ५१ लाख
त्रिवेणी गाउँपालिका :३७ करोड १३ लाख
सानीभेरी गाउँपालिका :३६ करोड ९० लाख
बाँफिकोट गाउँपालिका : ३२ करोड ४७ लाख
