काठमाडौँ । राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले करका दर हेरफेरको सूचना चुहाएको आरोपमा अर्थमन्त्री डा. स्वर्णिम वाग्लेमाथि छानबिन गर्न संसदीय समिति गठनको माग गरेका छन् ।
Advertisement
प्रतिनिधिसभाको बैठकमा बोल्दै सांसद शाहीले बजेट घोषणा हुनुपूर्व नै करका दरहरू हेरफेर भएको विषय गम्भीर अपराध र राजद्रोह भएको दाबी गर्दै यसको उच्चस्तरीय छानबिन हुनुपर्ने माग राखेका हुन् ।
विगतका दोषी आफैँले छानबिन गर्ने र आफैँलाई सफाइ दिने जस्ता प्रवृत्तिका कारण नागरिकमा चरम निराशा पैदा भएको भन्दै उनले संसद्मा चेतावनीसमेत दिए । जेन–जी पुस्ताको आन्दोलन र आक्रोश यस्तै वाक्क लाग्दा राजनीतिक घटनाक्रमका कारण चर्किएको उल्लेख गर्दै उनले अब त्यस्तो शैली नदोहोर्याउन सरकारको ध्यानाकर्षण गराएका हुन् ।
