रुकुम पश्चिम। राष्ट्रिय स्वतन्त्र पार्टी (रास्वपा) रुकुम पश्चिमको हालै सम्पन्न जिल्ला अधिवेशनमा समावेशिताको विषयमा प्रश्न उठेको छ। अधिवेशनमा दलित समुदायबाट एक जना पनि प्रतिनिधित्व नभएको र महिला प्रतिनिधित्व पनि न्यून मात्रामा भएको देखिएपछि आलोचना सुरु भएको छ।
अधिवेशनमा सहभागी प्रतिनिधिहरूका अनुसार नेतृत्व चयन तथा संरचनागत प्रतिनिधित्वमा विविधता सुनिश्चित गर्नुपर्ने भए पनि यस पटकको अधिवेशनमा दलित समुदायको पूर्ण अनुपस्थिति देखिएको हो। यस्तै, महिला सहभागिता पनि सीमित रहँदा समावेशी अभ्यास कमजोर भएको टिप्पणी गरिएको छ। द्रोण खड्काको नेतृत्वमा ११ सदस्यीय जिल्ला कार्यसमिति आइतवार निर्वाचित भएको थियो। जसमा एक जना महिला सदस्य छन् भने दलित प्रतिनिधित्व शुन्य देखिएको छ।
कानुनु व्यवसायी एवम् अधिवक्ता यम कुमारी ददेल भनिछन ,कमसेकम हेर्दा त समावेशी देखिनुपर्थ्यो । एक मात्र दलित उम्मेद्वारलाई निर्विवाद विजयी बनाउनुपर्थ्यो । रुकुम पश्चिममा शुरू देखि रास्वपाको चुनावी प्रचारमा खुलेर लागेका व्यक्ति आज कार्य समितिमा अटाएनन् । ३३ प्रतिशत महिला भनेको करिव चार जना महिला हुनुपर्थ्यो। तर त्यसो भएन।
अर्कोतर्फ, केही पार्टी समर्थकहरूले भने जिल्ला स्तरमा उपलब्ध सक्रिय सदस्यहरूको आधारमा चयन प्रक्रिया भएको दाबी गर्दै सबै समुदायलाई समेट्ने प्रयास भइरहेको प्रतिक्रिया दिएका छन्। तर आलोचकहरूले भने समावेशिता केवल औपचारिकतामा सीमित हुँदा राजनीतिक दलप्रति विश्वास घट्ने जोखिम रहने चेतावनी दिएका छन्। रास्वपालेसमावेशिताको विषयमा भने आधिकारिक प्रतिक्रिया सार्वजनिक गरेको छैन।
