चिनियाँ राष्ट्रपति सि जिनपिङको ग्लोबल साउथसम्बन्धी नयाँ अवधारणा र चीनको शासन पद्धतिबारे काठमाडौंमा विचारविमर्श गरिएको छ।
फ्रेन्डस अन क्लाउडले काठमाडौंमा आयोजना गरेको अन्तर्राष्ट्रिय गोष्ठीमा नेपाल, भारत, चीन, भुटान र बंगलादेशका विज्ञहरुले धारणा राखेका थिए। कार्यक्रममा राष्ट्रपति सी को विश्वव्यापी शासन पद्वती र पहल, यसको प्रभाव र वदलिएको विश्व शक्ति संतुलनका वारेमा सहभागीहरुले धारणा राखेका थिए।
क्लाउडका अध्यक्ष शोभित उप्रेती, अर्थशास्त्री डा. सुदन ओली, क्लाउडकी कार्यक्रम मनिषा श्रेष्ठ, संयोजक भुटानका पूर्वमन्त्री कर्मा दोर्जी, बंगलादेशका नेता. डा. बेलाल होसिन, भारतकी विदेश मामिला विज्ञ एवं प्राध्यापक डा. रेणु रानाले धारणाले राखेका थिए।
राष्ट्रपति सी ले ‘ग्लोबल साउथ’ (विकासशील तथा उदाउँदा राष्ट्रहरूको समूह)लाई विश्व विकास र अन्तर्राष्ट्रिय व्यवस्थाको महत्वपूर्ण शक्ति भनेर वर्णन गर्दै आएका छन्। ग्लोबल साउथ विश्व शान्ति कायम गर्ने, साझा विकास अगाडि बढाउने र अन्तर्राष्ट्रिय व्यवस्थामा सुधार ल्याउने महत्वपूर्ण शक्ति हो।
विकासशील देशहरूले आफ्नै आवाज बलियो बनाउनुपर्छ र विश्व शासन प्रणालीमा समान अधिकार पाउनुपर्छ भन्ने कुरामा यसले जोड दिएको छ। कुनैपनि देशलाई विकासको अधिकारबाट वञ्चित गरिनु हुँदैन, सबै राष्ट्रले समान अवसर पाउनुपर्छ भन्ने सहभागीहरुको धारणा थियो।
यो अवधारणाले चीन सधैं ग्लोबल साउथका देशहरूसँग एकताबद्ध भएर विकास, पूर्वाधार, प्रविधि र गरिबी न्यूनीकरणमा सहकार्य गर्न तयार रहेको जनाउँछ। यस्तै, बहुध्रुवीय विश्व र न्यायपूर्ण अन्तर्राष्ट्रिय व्यवस्था निर्माणमा ग्लोबल साउथको भूमिका निर्णायक हुने मानिएको छ।
