रुकुम पश्चिमका सांसद गोपाल शर्माले रुकुम पश्चिममा अलपत्र अवस्थामा रहेका पक्की पुलहरु तत्काल निर्माण गर्न सरकार लाई ध्यानाकर्षण गराएका छन्। प्रतिनिधि सभाको बैठकमा बोल्दै सांसद शर्माले जिल्लाको चौरजहारी नगरपालिका–२, अँधेरेबाट जाजरकोटको भेरी नगरपालिका–१३, कुदु जोड्ने मध्यपहाडी लोकमार्ग अन्तर्गत भेरी नदीमाथि निर्माण थालिएको पुल,सानीभेरी गाउँलिकाको मेघामा,मुसिकोट र चौखावाङ्ग जोड्ने पुल र आठबिसकोटको रग्दामा रहेको पक्की पुल तत्काल निर्माणका लागी ध्यानाकर्षण गराएका हुन्।
मध्यपहाडी राजमार्ग आयोजना कार्यालयले तीन वर्षभित्र निर्माण सम्पन्न गर्ने गरी २०६९ सालमा वाइपी कन्स्ट्रक्सन प्रालिसँग ठेक्का सम्झौता गरेको यो पुल अझैसम्म निर्माण भएको छैन । भने अन्य ३ वटा पुलहरु पनि लामो समय देखि अलपत्र परेका छन्।
त्यस्तै रुकुम पश्चिमका अस्पतालमा स्वास्थ्य बिमा बोर्डले उपलब्ध गराउने स्वास्थ्य बिमा मार्फतको ११ करोड रकम दाबी रकम भुक्तानी नगर्दा समस्या भएको भन्दै शर्माले संसद मार्फत सरकार लाई तत्काल रकम उपलब्ध गराउन आग्रह गरे।
