काठमाडौँ । प्रतिनिधि सभाको बैठक विपक्षी दलको अवरोधका कारण स्थगित गरिएको छ। प्रधानमन्त्रीको उपस्थितिको विषयलाई लिएर सहमति नजुटेपछि बैठक भोलि बिहान ११ बजेसम्मका लागि सारिएको हो।
बैठकमा विपक्षी दलहरूले नीति तथा कार्यक्रममाथिको छलफलका क्रममा प्रधानमन्त्री अनिवार्य रूपमा उपस्थित हुनुपर्ने र उठाइएका प्रश्नहरूको प्रत्यक्ष जवाफ दिनुपर्ने माग अघि सारेका थिए।
यसै क्रममा प्रधानमन्त्री वालेन्द्र शाह (बालेन) ले आफ्नो तर्फबाट उठेका प्रश्नको जवाफका लागि अर्थमन्त्री स्वर्णिम वाग्लेलाई अघि सारेपछि विपक्षी दलहरूले त्यसप्रति असहमति जनाउँदै सदनमा अवरोध गरेका हुन्।
सभामुख डिपी अर्याल ले पटक–पटक सहमति जुटाउन प्रयास गरे पनि विपक्षी दलहरू आफ्नो अडानबाट पछि नहटेपछि बैठक स्थगन गर्ने निर्णय गरिएको हो।
सभामुखले सदन सञ्चालन सहज बनाउन प्रधानमन्त्रीसँग प्रत्यक्ष संवाद गर्ने तयारीसमेत रहेको जानकारी दिएका छन्।
