प्रहरी संगठन भित्र विवादित पात्र बन्दै आएका हाल जिल्ला प्रहरी परिसर ललितपुरमा कार्यरत प्रहरी नायब उपरीक्षक (डीएसपी) द्वारिका घिमिरे माथि कार्यकक्षमै हातपातको प्रयास भएको छ। हिजो जिल्लाको मंगलबजार प्रहरी वृत्तबाट रमाना पत्र लिएर परिसरमा आएका एकजना प्रहरी वरिष्ठ हवल्दार द्वारा उनीमाथि हातपातको प्रयास भएको स्रोतले बताएको छ।

रमाना पत्र ल्याएर आएका एकजना तामाङ थरका ती प्रहरी कार्यालयमा ढिला पुगेका कारण उनीमाथि डिएसपी घिमिरे आक्रोशित हुँदै तुच्छ व्यवहार गरेपछि अवस्था तनाबग्रस्त बनेको थियो। स्रोतका अनुसार ती प्रहरी हवल्दार लाई केही घण्टा नियन्त्रणमा राखिएको समेत बताइन्छ। सामान्य कुरामा डिएसपी घिमिरेले आक्रोश पोखेपछि भनाभन हुँदै हातपातको अवस्था सिर्जना भएको हो। ललितपुर परिसरका सुचना अधिकारी एसपी गौतम मिश्रका अनुसार सो घटना प्रति प्रहरी प्रशासनको ध्यानाकर्षण भएको र आन्तरिक छानबिन हुने बताए। उने उजयालोपाटी सँग भने,बाहिर हल्लामा आएजस्तो त्यस्तो ठूलै विवाद होईन। हामीले सत्यतथ्य के रहेछ बुझिरहेका छौँ।

तर यस अघि पनि पटक पटक विवादमा तानिएका घिमिरे जिल्ला प्रहरी परिसर ललितपुरमा पनि अछुतो रहेनन। आक्रामक शैली, निर्णय प्रक्रिया र व्यवहारप्रति मातहतका प्रहरी कर्मचारीहरू समेत सन्तुष्ट नभएको बताईन्छ । उक्त घटना बारे प्रहरी प्रशासनले कुनैपनि आधिकारिक धाराणा सार्वजनिक गरेको छैन। विवादले तिव्र गति लिएपछि हवल्दार र डिएसपी लाई अन्य प्रहरी कर्मचारीले शान्त पारेर तनावपुर्ण अवस्थालाई नियन्त्रणमा लिएको बताइन्छ।

प्रहरी हवल्दार केहि समय ढिला पुगेकै कारण अपमान हुने गरे आक्रोशित बनेका डिएसपी घिमिरे यसघि पनि ललितपुर प्रहरी वृत्त चापागाउँमा कार्यरत रहँदा चापागाउँमै कार्यरत हवल्दार नवल किशोर रायले कार्यालयभित्रै डीएसपी घिमिरेमाथि कुटपिट गरेको घटना सार्वजनिक भएको थियो। ०७७ सालमा रौतहटको गरुडा इलाका प्रहरी कार्यालय प्रमुख हुँदा पनि कुटपिट भएको घटना बाहिरिएको थियो। पछिल्लो समय फेरी उनीमाथि सोही प्रश्न उठेको छ। कार्यालयमा काम गर्ने कार्य शैली र उनको व्यवहारले प्रहरी संगठन र सिङ्गो ललितपुर प्रहरी परिसरभित्रको नेतृत्व शैली र अनुशासन बारे माथि नै गम्भीर प्रश्न उठाएको छ। घटनाको वास्तविकता छानबिनपछि भैरहेको स्रोत बताउँछ।