जिल्ला प्रहरी कार्यालय रुकुम पश्चिम तथा मातहतका विभिन्न प्रहरी इकाइबाट खटिएको टोलीले चालु आर्थिक वर्षमा जिल्लाका विभिन्न स्थानमा अवैध रूपमा गरिएको लागुऔषध अफिम खेती नष्ट गरेको छ। प्रहरीका अनुसार आठबिसकोट नगरपालिका, सानीभेरी गाउँपालिका र बाँफिकोट गाउँपालिकाका विभिन्न वडाहरूमा गरिएको अफिम खेती क्रमशः विभिन्न मितिमा नष्ट गरिएको हो।
अभियान अन्तर्गत प्रहरी चौकी गोतामकोट, अस्थायी प्रहरी पोष्ट स्यालाखदी, प्रहरी चौकी सिम्ली तथा इलाका प्रहरी कार्यालय बाँफिकोटबाट खटिएका टोलीले संयुक्त रूपमा कारबाही गरेका थिए। जिल्ला प्रहरी कार्यालय रुकुम पश्चिमका प्रहरी प्रमुख बेद बहादुर पौडेल र जिल्ला प्रशासनको टोली समेत जिल्लाका बिभिन्न ठाउँमा खेती गरिएको खेतमै पुगेर नष्ट गरिएको हो ।
प्रहरीले उपलब्ध गराएको विवरणअनुसार २०८२ फागुन २६ गतेदेखि २०८३ वैशाख १० गतेसम्म सञ्चालन गरिएको अभियानमा कुल ५१८ रोपनी क्षेत्रफलमा लगाइएको अफिम खेती नष्ट गरिएको जनाएको छ।
सबैभन्दा बढी अफिम खेती आठबिसकोट नगरपालिका–०२ र ०५ मा भेटिएको थियो। भने सानीभेरी गाउँपालिका र बाँफिकोट गाउँपालिकामा समेत उल्लेख्य परिमाणमा खेती गरिएको पाइएको थियो। प्रहरीले यस्ता अवैध गतिविधि नियन्त्रणका लागि आगामी दिनमा पनि निगरानी तथा कारबाहीलाई अझ कडाइ गरिने जनाएको छ।
यस्तो छ पालिका अनुसारको विवरण
