‘पोसिलो आहारका लागि दीगो कृषि उत्पादन हाम्रो अभियान’ भन्ने मूलनाराका साथ राष्ट्रिय खाद्य बैंकले नेपालको समृद्धि र किसानको सम्मानमा कृषि कार्यक्रम देशभरी गरीरहेको राष्ट्रिय खाद्य बैंकका कार्यकारी प्रमुख शंकरनाथ उप्रेतीले बताएका छन । काठमाडौमा भएको एक कार्यक्रममा राष्ट्रिय खाद्य बैंकका कार्यकारी प्रमुख उप्रेतीले यस्तो बताएका हुन ।
कार्यक्रममा आजको खाद्य आवश्यकता पूर्ति गर्दै भोलिका युवा पुस्तालाई खाद्य सम्प्रभुता संरक्षण गर्न पोसिलो आहाराका लागि दीगो कृषि उत्पादन हाम्रो अभियान भन्ने नाराका साथ राष्ट्रिय खाद्य बैंक लिमिटेड स्थापना गरिएको उनको भनाई छ । नेपालको समृद्धि र किसानको सम्मानमा संस्थाले विभिन्न जिल्लामा कृषि उत्पादनका कार्यक्रम गरिरहेको उनको भनाई छ ।
जसका लागि तराईका विभिन्न जिल्लामा ६०० बिघा जग्गा भाडामा समेत लिइसकेको उनले बताए । जसमा कैलाली, कञ्चनपुर, बर्दिया, झापा, मोरङ, सुनसरी, धनुषा, चितवन, रुपन्देही सहित १३ जिल्लामा जग्गा लिएर उत्पादन शुरु गरिसकेको उनको भनाई छ । झापा, मोरङ, सुनसरी लगायत जिल्लामा थप जग्गा लिइएको उनले बताए । अहिले किसानले उत्पादन गरेका बस्तु, भण्डारण, बिक्री वितरण, प्याकेजिङको काम संस्थाले गरेको उनले बताए ।
धान, गहुँ, कोदो, फापर, माछा, मासु, जौ, गेडागुडी, दूध, जडीबुटी, फलफूल, चियाकफी जस्ता खाद्यान्न उत्पादन गरि बजारीकरण समेत गर्ने गरेको उनको भनाई छ । देशभरी नै कृषि र किसान संग पुगेको उत्पादनमा देशलाई आत्मनिर्भरु बनाउदै रोजगार सिर्जना गर्ने संस्थाको लक्ष्य रहेको उनले बताए ।
कार्यक्रममा उनले भने खाद्य बैंक स्थापना गर्नुको मुख्य उद्देश्य कृषिमा परनिर्भरता घटाउने, कृषि उत्पादन बढाउने, रोजगारी बढाउने र प्राङ्गारिक उत्पादनमा जोड दिएर जनस्वास्थ्यको विषयलाई सम्बोधन गर्ने रहेको छ ।
