रुकुम पश्चिम स्थित चौरजहारी नगरपालिका ३ उमाचौरमा शुक्रबार राती करिब १२:३० बजे आफ्नै छोरा लक्ष्मण बि.कले घरेलु हतियार प्रयोग गरि कुटपिट गर्दा बाबू राजकुमार बि.क गम्भीर घाइते भएका छन ।
शुक्रबार राति घरमा सल्लाह हुँदै गर्दा आर्थिक कारोबारमा केहि भनाभन हुने क्रममा छोराले घरको तगारोको काठले बाबुको दुइवटै हात र एक खुट्टा भाचिने गरि प्रहार गरेका थिए । घटना पश्चात् छिमेकी र परिवारको सहायतामा राती नै चौरजहारीको मिसन हस्पिटल पुर्याइएको थियो । भने अहिले नेपालगञ्ज स्थित भेरी अस्पतालमा रिफर गरेर उनको उपचार भइरहेको छ ।
घटना थाहा पाउने बित्तिकै इलाका प्रहरी चौरजहारीले छोरा लक्ष्मण बि.क.लाई नियन्त्रणमा लिएको छ भने अहिलेसम्म जाहेरी नआएको कारण दोषी लाई कानुनी प्रकृयामा लैजाने सहज बाताबरण नबनेको प्रहरीको भनाई छ ।
उज्यालोपाटीसँगको संवादका क्रममा प्रहरीका अनुसार जाहेरी बिना मुद्दा दर्ता गर्न नमिल्ने र दोषिलाई २४ घन्टा भन्दा बढी जाहेरी बिना हिरासतमा राख्न नपाइने कानुन भएको हुँदा प्रहरीले परिवारका सबै सदस्यलाई बोलाएर जाहेरी दर्ता गर्नको लागि सुझाव दिएको प्रहरीको भनाई छ । जाहेरी दिएको खण्डमा भोलि नै हामिले अपराधीलाई जिल्ला पठाउछौँ यदि २४ घन्टा भित्र पनि जाहेरी आएन भने अन्य कानुनी बाटो खोजेर भए पनि हामी अपराध अनुसारको सजाय दिलाएरै छाड्छौ इलाका प्रहरी कार्यालयका प्रहरी प्रमुख अजय दानीले भने ।
अत्यन्तै निर्घात कुटपिट भएको छ कुनै संवेदनशील ठाउँमा चोट परेको भए ज्यानै जान सक्ने थियो यस्तो गम्भीर प्रकृतिको घटनामा परिवारले पनि आवश्यक सहकार्य गर्नुपर्छ उनले भनेका छन । प्रहरीका अनुसार घरपरिवारले नै घटनाको ढाकछोप गर्न खोजेको र जाहेरी दिन नमानेको बताईएको छ ।
