रुकुम पस्चिमको आठबिसकोटमा नेपाली कम्युनिष्ट पार्टी (नेकपा) मा २३ जना कार्यकर्ता प्रवेश गरेका छन्। उनीहरू यसअघि नेपाल कम्युनिष्ट पार्टी (एमाले) मा आबद्ध थिए। रुकुम पश्चिमको आठबिसकोट १४ मा आयोजित एक कार्यक्रमका बीच एमाले परित्याग गरेका गुनेसल्ला टोलका २३ जनालाई नेकपाका स्थानीय नेताहरूले स्वागत गर्दै पार्टीमा औपचारिक रूपमा प्रवेश गराएका हुन्।
कार्यक्रममा बोल्दै नेताहरूले देशमा परिवर्तन, समानता र जनताको अधिकार सुनिश्चित गर्न नेकपाको नीति र कार्यक्रम प्रभावकारी भएको बताएका थिए।
नयाँ प्रवेश गर्ने कार्यकर्ताहरूले पनि जनताको पक्षमा काम गर्न र पार्टीको विचारधारालाई मजबुत बनाउन आफूहरू नेकपामा आएको बताएका छन्। उनीहरूले स्थानीय स्तरमा पार्टीलाई सशक्त बनाउने प्रतिबद्धता समेत व्यक्त गरेका छन्।
कार्यक्रममा पार्टीका विभिन्न तहका नेता, कार्यकर्ता तथा स्थानीय बासिन्दाको उल्लेख्य उपस्थिति रहेको थियो। नयाँ प्रवेशसँगै क्षेत्रीय राजनीतिमा नेकपाको प्रभाव थप मजबुत हुने नेताहरूको भनाइ रहेको छ ।
