रुकुम पश्चिम । विश्लेषक तथा लेखक युग पाठकले फागुन २१ गते हुने चुनाव केवल चुनाव नभएर “संविधान मास्ने शक्ति र बचाउनेबीचको लडाइँ” अहिलेको मुख्य राजनीतिक मुद्दा भएको बताएका छन्। नेपाली कम्युनिस्ट पार्टी रुकुमका उम्मेदवार गोपाल शर्माको चुनावी भेटघाट कार्यक्रममा बोल्दै पाठकले २०७२ सालमा जारी भएको नेपालको संविधान २०७२ संघीयता, समावेशिता र लोकतान्त्रिक मूल्य–मान्यताको आधारमा निर्माण गरिएको ऐतिहासिक दस्तावेज भएको तर पछिल्लो समय विभिन्न शक्ति समूहहरूले प्रत्यक्ष वा अप्रत्यक्ष रूपमा यसको मर्म कमजोर पार्ने प्रयास गरिरहेको उनले दाबी गरे।
पाठकले भने, “संविधानमाथि प्रहार गर्नु भनेको जनताको संघर्षमाथि प्रहार गर्नु हो। यसलाई कमजोर बनाउने प्रयास लोकतन्त्रलाई पछाडि धकेल्ने खेल हो।” नेकपाले संघर्ष गरेर ल्याएको संघीय लोकतान्त्रिक गणतन्त्रको बलको बनेको संविधान नयाँ भनिएका र काँग्रेस एमालेले मास्न लागेको दाबी गरे । देश जलाएर खरानी बनाउनेहरु फेरि पनि चुनावमा होमिएकाले उनीहरुलाई जनताले मुल्यांकनले गर्ने बताए।
उनका अनुसार, संविधान कार्यान्वयनमा देखिएका कमजोरी सुधार गर्नुपर्ने भए पनि त्यसलाई नै खारेज गर्ने वा अस्थिर बनाउने राजनीति खतरनाक हुने र
राजनीतिक वृत्तमा अहिले शक्ति सन्तुलन, संघीय संरचनाको प्रभावकारिता, र अधिकार बाँडफाँडका विषयमा बहस चुलिएको बताए । केही पक्षले संविधान संशोधनको नाममा संरचनात्मक परिवर्तनको माग गरिरहेका छन् भने अर्को पक्षले उपलब्धि जोगाउन एकजुट हुनुपर्ने तर्क राख्दै आएको छ। नेकपाले मात्रै संविधानको रक्षा गर्ने र सम्पुर्ण हकअधिकार लाई सुनिश्चित गर्ने प्रष्ट पारे ।
विश्लेषक पाठकले नागरिक समाज, युवा र सचेत मतदातालाई संविधानको पक्षमा स्पष्ट धारणा राख्न आह्वान गर्दै भने, “संविधान बचाउने लडाइँ केवल दलहरूको मात्र होइन, सम्पूर्ण नागरिकको जिम्मेवारी हो।”
नेपालको राजनीतिक भविष्य कुन दिशामा मोडिन्छ भन्ने प्रश्नबीच संविधानको रक्षा र सुधारको बहस अझ तीव्र बन्ने संकेत देखिएको छ।
