रुकुम पश्चिम । प्रगतिशील लोकतान्त्रिक पार्टीका नेता एवम् पुर्व कर्णाली प्रदेशका मुख्यमन्त्री राजकुमार शर्मा आफ्नै निर्वाचन क्षेत्रमा लखेटिएका छन्। चुनावी प्रचारप्रसार तथा कार्यकर्ता भेटघाटका क्रममा जिल्लाको त्रीवेणी गाउँपालिका-२ स्थित सिम्रुतु बाट शर्मालाई लखेटिएको बताईएको छ ।

नेपाली कम्युनिष्ट पार्टी नेकपा को पार्टी कार्यालय तथा सहिद प्रतिष्ठानको ताला तोडफोड गरी सभाहलमा प्रवेश गर्ने क्रममा शहिद परिवार तथा घाइते अपाङ परिवारले लखेटेको एक स्थानीयले उज्यालोपाटी लाई जानकारी दिए। घटनामा प्रत्यक्ष दर्शीका अनुसार शर्मालाई सहिद परिवारले पार्टी कार्यालय बाट लखेटेको जनाईएको छ ।

नेता राजकुमार शर्माले पार्टी छोडेर सहिद प्रती अपमान गरेको भन्दै आक्रोशित स्थानीय सहिद तथा घाइते अपांग परिवारले जनार्दन शर्मा मुर्दावाद भन्दै नारावाजी गरेका थिए। सहिद प्रतिष्ठानको ताला फोडेपछी स्थिति तनावग्रस्त बनेको बताईन्छ । सहिद परिवारले कार्यक्रम गर्न नदिएपछि बजार क्षेत्रमा कोण सभा गरेर शर्माको टोलि फर्किएको थियो ।

जिल्ला प्रहरी कार्यालय रुकुम पश्चिमका अनुसार भवनमा झडप हुने स्थिति भएपछि तत्कालै नेपाल प्रहरी,शसस्त्र प्रहरी लगायतको संयुक्त टोली परिचालन गरेर स्थिति नियन्त्रणमा लिईएको बताएको छ । प्रहरीका अनुसार प्रलोपाले भवनमा कार्यक्रम गर्न खोज्दा विवाद उत्पन्न भएको हो ।