३१ औं जनयुद्ध दिवसको अवसरमा रुकुम पश्चिमका सहिद परिवारलाई सम्मान गरिएको छ । सहिद परिवार समाज नेपालको आयोजनामा जिल्लाको बाँफीकोट गाउँपालिका २ पिपल स्थिति सहिद परिवारलाई सम्मान कार्यक्रमका विच सम्मान गरिएको हो ।

सम्मान कार्यक्रममा ९३ सहिद परिवारलाई सम्मान गरिएको हो । जस अनुसार वडा नम्बर १ मा ६ जना,वडा नम्बर २ मा ३० जना , वडा नम्बर ३ मा ५ जना ,वडा नम्बर ४ मा ५ जना वडा नवर ६ मा १५ जना,७ नम्बर वडामा ३ जना ,८ नम्बर वडामा ९ जना , ९ नम्वर वडामा १ जना र १० नम्वर वडामा ९ जना सहिद परिवारलाई सम्मान गरिएको बताईएको छ ।

आयोजकका अनुसार प्रत्येक सहिद परिवारलाई १/१ वटा काँचका थाली सम्मान स्वरुप बितरण गरिएको हो । कार्यक्रममा सहिद परिवारको तर्फबाट देविलाल गौतम , नेपाली कम्युनिस्ट पार्टीको तर्फबाट प्रतिनिधि सभा सदस्य उम्मेदवार गोपाल शर्मा, केन्द्रिय नेताहरु वसन्त शर्मा, महेन्द्र केसी, सचिन रोका लगायत स्थानीय नेताकार्यकर्ताको उपस्थिति रहेको थियो ।