रुकुम पश्चिम । आगामी निर्वाचनको लागी रुकुम पस्चिमबाट प्रतिनिधिसभा सदस्य पदका उम्मेदवार गोपाल शर्मालाई जनसमर्थन बढ्दै गएको देखिएको छ। जनयुद्ध कालिन अवस्था देखि सक्रिय नेता शर्माको पक्षमा बाक्लो उपस्थिति देखिएको हो ।
रुकुम पस्चिमका स्थानीय तहका विभिन्न वडाहरूमा आयोजित भेटघाट, छलफल तथा कार्यक्रमहरूमा स्थानीय बासिन्दाको उल्लेखनीय उपस्थिति देखिन थालेको छ।
युवादेखि ज्येष्ठ नागरिकसम्म विकास, रोजगारी र पूर्वाधारका विषयमा अपेक्षा राख्दै साथ दिने प्रतिबद्धता व्यक्त गरिरहेका छन्।
समर्थकहरूका अनुसार गोपाल शर्माले स्थानीय आवश्यकता र योजनालाई प्राथमिकतामा राखेर काम गर्ने प्रतिबद्धता जनाएका कारण जनताको विश्वास बढेको हो। पछिल्लो समय जनसंवाद कार्यक्रम र घरदैलो अभियानले पनि समर्थन विस्तारमा भूमिका खेलेको बताइन्छ।
यस अघि कर्णाली प्रदेशको अर्थमन्त्री हुँदा शर्माले विकास आयोजनाका दर्जनौं योजनाहरु प्रत्यक्ष रुपमा जनताको आवश्यकता अनुसार विकास गरेको स्थानीयको भनाई छ ।
उनीहरु नेताबाट निरन्तर उपस्थिती, पारदर्शिता र कामको नतिजा चाहिने र त्यो गोपाल शर्माले मात्रै पूरा गर्न सक्ने उनीहरु बताउँछन्।
