रुकुम पश्चिमको आठबिसकोट नगरपालिकामा पालिका स्तरीय उपभोक्ता समिति व्यवस्थापनसम्बन्धी सामाजिक उत्तरदायित्व अभिवृद्धि कार्यक्रमअन्तर्गत ३ दिने तालिम सम्पन्न भएको छ।
आठबिसकोट नगरपालिकाको आयोजनामा तथा SUSWA परियोजनाको सहयोगमा सम्पन्न तालिममा नगरभित्रका उपभोक्ता समिति पदाधिकारी, स्थानीय प्रतिनिधि तथा सरोकारवालाहरूको सहभागिता रहेको थियो। तालिममा उपभोक्ता समिति गठन प्रक्रिया, योजना कार्यान्वयन, पारदर्शिता, जवाफदेहिता, लेखा व्यवस्थापन तथा सार्वजनिक खरिद प्रक्रियाबारे सहजीकरण गरिएको थियो।
कार्यक्रममा सहभागीहरूले तालिमले स्थानीय तहमा विकास निर्माण कार्यलाई पारदर्शी, प्रभावकारी र उत्तरदायी बनाउन सहयोग पुग्ने विश्वास व्यक्त गरेका छन्। नगरपालिकाले आगामी दिनमा पनि यस्ता क्षमताविकासमूलक कार्यक्रमलाई निरन्तरता दिने जनाएको छ। वास ईकाई अन्तर्गत आठबिसकोट नगरपालिका र नलगाड नगरपालिकाको सयुक्त रुपमा कार्यक्रम भएको थियो।
तालिम समापन कार्यक्रममा सुस्वा प्रतिनिधिहरु,निमित्त प्रमुख प्रशासकीय अधिकृत निराजन ओली, वडा नम्वर ९ का अध्यक्ष जनक बहादुर बटाला र नगर प्रमुख रवि केस्सेको उपस्थिति रहेको थियो।
