रुकुम पश्चिमको आठबिसकोट नगरपालिका स्थित हिमालय माध्यमिक विद्यालय दाजेमा आयोजित छैटौं राष्ट्रपति रनिङ सिल्ड कार्यक्रममा झडप हुँदा विद्यार्थीहरु घाइते भएका छन ।

आठबिसकोट नगरपालिकाको आयोजनामा भएको उक्त कार्यक्रमका बीच दुई फरक विद्यालयका विद्यार्थीहरु बीचमा भनाभन चल्दै गर्दा एक्कासि हात हातपातको माहोल सृजना भएको प्रत्यक्षदर्शीको भनाई छ ।

छात्रा तर्फको भलिबल प्रतियोगिता चलिरहँदा देखि नै केहि युवाहरूले अपशब्द प्रयोग गर्दै कोचलाई धम्क्याउने क्रियाकलाप गरिरहेका र प्रतियोगिता लगत्तै एक युवाले कालिका माध्यमिक विद्यालय सुन्दरपानीकि छात्रा प्रगति सार्की माथी अचानक घाटी अठ्याएर हातपात गर्न थालेपछि अन्य विद्यालयका छात्र-छात्रा लगायत उपस्थित मध्यहरु बाट पनि एकाएक एक-अर्का माथी हातपात गर्न जाँदा स्थिति नियन्त्रण भन्दा बाहिर गएको र तुरुन्तै प्रहरी बोलाइएको प्रत्यक्षदर्शीहरुले उज्यालोपाटीसँग बताएका छन ।

झडप पछि गम्भीर घाइते भएका प्रगति सार्की सहित निरोज बुढा ,योजना बोहरा लगायत चार जनालाई तुरुन्तै अस्पताल भर्ना गरिएको थियो भने अन्य धेरै जना सामान्य चोटपटक लागेर घाइते भएका थिए ।

अस्पताल प्रशासनका अनुसार अहिले गम्भीर घाइतेहरुको अवस्था सामान्य रहेको र खतरा नरहेको जनाइएको छ । साथै अन्य ठाउँ रिफर गर्न नपर्ने भए पनि शहरको अस्पतालमा एकपटक जचाउन सुझाव दिई डिस्चार्ज गरिएको छ । भने यस घटनाबारे अहिलेसम्म कुनै उजुरी नआएको हुँदा अनुसन्धान गर्ने अवस्थामा नरहेको प्रहरीले जानकारी दिएको छ । यद्यपि कोहि आएर उजुरी दिएको खण्डमा यसलाई अगाडि बढाउने बताएको छ ।