आसन्न फागुन २१ गते हुने निर्वाचनका लागि रुकुम पश्चिममा मुख्य निर्वाचन कार्यालयमा उम्मेदवारहरूको मनोनयन दर्ता प्रक्रिया सम्पन्न भएको छ। कार्यालयका अनुसार विभिन्न राजनीतिक दल तथा समूहबाट १२ जना उम्मेदवारले क्रमशः मनोनयन दर्ता गराएका छन्।
मनोनयन दर्ता गर्ने उम्मेदवारहरू यसप्रकार रहेका छन्–
१. राष्ट्रिय जनमोर्चाका सत्य नारायण श्रेष्ठ
२. नेपाली कम्युनिष्ट पार्टीका गोपाल शर्मा
३. नेकपा (एमाले) का नन्दराम देवकोटा
४. प्रलोपा पार्टीका जनार्दन शर्मा
५. राष्ट्रिय स्वतन्त्र पार्टी (रास्वपा) का मान बहादुर शाही
६. नेपाली कांग्रेसका राजु केसी
७. राष्ट्रिय प्रजातन्त्र पार्टी (राप्रपा) का गोपाल खड्का
८. नेकपा संयुक्तका शेर बहादुर केसी
९. आम जनता पार्टीकी प्रेमा दमाई नेपाली
१०. नेकपा (माओवादी) का चन्द्र बहादुर बुढा
११. उज्यालो पार्टी नेपालका नरेन्द्र केसी
१२. नेपाल मजदुर किसान पार्टी (नेमकिपा) का धन बहादुर बिक
निर्वाचन कार्यालयका अनुसार मनोनयन दर्ता प्रक्रिया शान्तिपूर्ण रूपमा सम्पन्न भएको छ। आगामी दिनमा उम्मेदवारहरूको अन्तिम नामावली प्रकाशन, चुनाव चिह्न वितरण तथा चुनावी प्रचार–प्रसारका कार्यक्रम अघि बढाइने जनाइएको छ।
