डोटी जिल्लाको जोरायल गाउँपालिका–३ घर भई हाल काठमाडौंको ठमेलमा व्यवसाय गर्दै आएकी ईन्द्रादेवी मगरले आफूले सहयोगका रूपमा दिएको ऋणका कारण उल्टै झनझटमा परेको गुनासो गरेकी छन्।
ईन्द्रादेवीका अनुसार उनले दाङ जिल्लाको तुल्सीपुर उपमहानगरपालिका निवासी रुपलाल डी.सी.लाई वडा कार्यालयको रोहबरमा कपाली तमसुक गरी ऋण सापट दिएकी थिइन्।
उनका अनुसार २०८१/१०/०५ गते एभरेष्ट बैंकको चेक नम्बर ००४२०८०६०५/१००१ मार्फत व्यापार व्यवसाय तथा घरखर्च प्रयोजनका लागि ५ लाख रुपैयाँ ऋण दिइएको थियो। तर चेक साटिन नपाउँदै उनका श्रीमान् राजेश कुमार थापा मगर एक्कासी प्यारालाइसिसको बिरामी भएपछि आर्थिक अवस्था जटिल बन्दै गएका कारण उनले सापटी फिर्ता लिन खोज्दा कानुनी झमेलामा परेकी छन।
उनले उज्यालोपाटी सँग भनिन, “कागज गरेरै सापट दिएँ, तर सहयोग गर्दा उल्टै दुःख पाइयो,” भनिन्। श्रीमान् बिरामी भएपछि मैले रुपलाललाई चेक नसाट्न र चेक फिर्ता दिन आग्रह गरेँ। चेक फिर्ता पाएपछि कपाली तमसुक च्यातिदिने सहमति पनि भएको थियो,” ईन्द्रादेवीले भनिन्। तर त्यसपछि रुपलाल सम्पर्कमा नआएको र चेक समेत फिर्ता नदिएको उनको आरोप छ।
यस विषयमा बुझ्न हामीले रुपलाल सँग सम्पर्क गर्न खोज्दा सम्पर्क हुन सकेन । पिडीत मगरका अनुसार डिसीले आफुलाई दिनुपर्ने ५ लाख रुपैयाँ उल्टै दिनुपर्ने र लेनदेनको कागजका विषयमा अदालतमा मुद्दा चलेको भन्ने आफुलाई जानकारी गराएको बताईन।
आफुबाट सापटी पैसा लिएको मान्छेले उल्टै पैसा लिनुपर्ने भनेपछी उनी अहिले मर्कामा परेकी छन। पाँच लाख रुपैयाँ सापटी लिएर अहिले आएर अदालतमा मुद्दा छ । भन्ने सुनेपछी आफुमाथी ठूलो अन्याय भएको बताउँछिन।
