रुकुम पश्चिमको आठबिसकोट ४ स्थित ज्ञानोदय माध्यमिक विद्यालयमा भएको एक घटनाप्रति विधालयले कडा आपत्ति जनाएको छ। विद्यालयका पूर्व विद्यालय व्यवस्थापन समिति अध्यक्ष यज्ञ विक माथी विद्यालयका एक विव्यस सदस्य सहित केही युवाहरुले विद्यालय बैठकमा छिरेर दिएको आपत्तिजनक तथा अमर्यादित अभिव्यक्तिप्रति विद्यालय प्रशासनले सार्वजनिक रूपमा खेद प्रकट गरेको हो।

विद्यालयका अनुसार २०८२ मंसिर २३ गते बिहान ११:३० बजे बसेको वि.व्य.स.को बैठकमा रामशरण बि.क. र अविशेक केसी नाम गरेका अपरिचित व्यक्तीले बैठकमा सहभागी शिक्षक तथा सदस्यहरूप्रति असान्दर्भिक, आपत्तिजनक र अपमानजनक शब्द प्रयोग गर्दै वातावरण तनावपूर्ण बनाएको बताईएको छ । विशेषगरी विद्यालयका हालका पदाधिकारी तथा पूर्व अध्यक्षप्रति लक्षित अपमानजनक अभिव्यक्तिले विद्यालय समुदाय नै आहत भएको प्रेस विज्ञप्तिमा उल्लेख छ।

विद्यालयले सो व्यवहारलाई विद्यालयको छवि, मर्यादा र शैक्षिक वातावरणविरुद्ध रहेको बताउँदै पुनः यस्ता घटना दोहोरिन नदिन सबै सरोकारवालालाई संयमित र सहयोगी भूमिका निर्वाह गर्न आग्रह गरिएको छ।

विद्यालयका पदाधिकारीहरूले अमर्यादित व्यवहार दोहोरिएमा कानुनी कारबाहीको प्रक्रियासमेत अघि बढाउने चेतावनी दिएका छन्। विद्यालयले “सहकार्य र सम्मानपूर्ण व्यवहार” मौलाउने वातावरण निर्माण गर्न सबै पक्षसँग सहयोगको अपिल गरेको छ।