प्रगतिशील लोकतान्त्रिक पार्टीका नेता जनार्दन शर्मा आज गृह जिल्ला रुकुम पश्चिम आउने भएका छन्। माओवादी फुटेपछि पहिलोपटक शर्मा गृह जिल्ला रुकुम पश्चिम आउन लागेका हुन्। उनी आज बिहान नेपाल एयरलाइन्सको जहाज मार्फत रुकुम आउने र उनलाई सल्ले एयरपोटमा युवाहरुले भव्य स्वागत गर्ने कार्यक्रम रहेको छ ।
आज मुसीकोटको खलंगामा रहेको साविकको माओवादी केन्द्रको पार्टी कार्यालय परिवर्तन गरेर पुर्व माओवादीको बोर्ड समेत हटाएर प्रगतीशील लोकतान्त्रीक पार्टीको कार्यालय उद्घाटन गर्ने कार्यक्रम रहेको बताईएको छ। सेरीगाउँको शहिद स्मृति प्रतिष्ठान नेपाली कम्युनिष्ट पार्टी र खलङ्गामा रहेको पार्टी कार्यालय प्रगतिशील लोकतान्त्रिक पार्टीले प्रयोग गर्ने सहमति भएको छ ।
प्रलोपाका जिल्ला इन्चार्ज गोरख बहादुर केसी सन्देशका अनुसार आज पार्टी कार्यालय उद्घाटन गर्ने र भोली २२ गते वृहत युवा भेला गर्ने जानकारी दिए। प्रगतिशील पार्टीको पहिलोपटक जिल्ला भेला हुन लागेको हो। भेलामा हजारौँ युवाहरु उपस्थित रहने बताइएको छ।
